SAN LUCAS 2:10 - Nuevo Testamento en Quichua Cañar 1996

¹⁰ Shina mancharicucpimi, angelca cashna nirca: —Ama mancharichicchu. Ñucaca cancunamanca alli huillaitami huillac shamuni. Cai huillashcata uyashpaca, tucuimi cushicungacuna.

Dios Rimashcata Quillcashcami

¹⁰ Chaimantami angelca: —Ama mancharichicchu. Cancunaman alli huillaita huillangapacmi shamuni. Caita uyashpaca, tucuimi yallita cushicunga.

SAN LUCAS 2:10 Iomraidhean Croise

SAN MATEO 14:27

Shina mancharicucpimi Jesusca: —Upallaichic, ñucami cani. Ama mancharichicchu— nirca.

SAN MATEO 28:18

Jesús paicunapacman cuchuyashpaca: —Taita Diosca ñucataca, cai pachapi jahua pachapi tucui imatapish Mandactami ruhuarca.

SAN MATEO 28:5

Chai huarmicunataca angelca: —Ama mancharichicchu. Cruzpi chacatashpa huañuchishca Jesusta mashcacushcataca yachanimi.

MARCOS 1:15

Chashna huillacushpaca: —Cunanmi, chai alli huillai punzhaca chayamushca. Taita Diosca ñami mandagrin. Cancunaca juchayuc cashcamanta llaquirishpa, Taita Diosman cutirishpa, alli huillaita crichic— nirca.

MARCOS 16:15

Shinallatac caitapish paicunataca nircami: —Cancunaca tucui llactacunata rishpa, quishpirinamanta alli huillaita tucui gentecunaman huillagrichic.

SAN LUCAS 1:13

Chashna mancharicucpimi, angelca cashna nirca: —Zacarías, ama mancharichu. Can mañashcataca Taita Diosca uyashcami. Cambac huarmi Elisabetca c'ari huahuatami charigrin. Chai huahuataca Juan shutitami shutichingui.

SAN LUCAS 1:19

Chashna nicpi, angelca cashnami nirca: —Ñucaca Diospacta ruhuangapac, paipac ñaupapi shayacuc ángel Gabrielmi cani. Paimi canman cai alli huillaita huillachun cacharca.

SAN LUCAS 1:30

Chashna yuyacucpi angelca: —María, ama mancharichu. Cantaca Taita Diosmi mai c'uyashpa acllashca.

SAN LUCAS 2:11

Cunanmi David huacharishca Belén pueblopica, gentecunata Quishpichic huacharishca. Paimi tucuita Mandac, Quishpichic Cristo.

SAN LUCAS 24:47

Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.

SAN LUCAS 8:1

Chai q'uipami Jesusca tucui pueblocunapipish, uchilla llactacunapipish Taita Dios mandacucmanta alli huillaita huillashpa, paipac chunga ishcai yachacuccunandic puricurca.

HECHOS 13:32

Ñucanchic ñaupa taitacunamanmi: ‘Cancunapac huahua huahuacunaman Quishpichicta cushami’ Taita Dios nishca carca. Chai Quishpichicmantami cunanca cancunaman huillacunchic.

ROMANOS 10:15

Shinallatac quishpirinamanta huillachun pipish mana cachacpica, ¿ima shinatac huillangacunayari? Dios quillcachishcapica: “Alli huillaita huillangapac chayaccunaca, ¡mai sumacmi can!” ninmi.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyacunamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.