SAN LUCAS 19:47 - Nuevo Testamento en Quichua Cañar 1996

⁴⁷ Jesusca tucui punzhacunami Diosman mañana huasipi yachachic carca. Chashna yachachicucpipish curacunata mandac curacunapish, mandashcacunata yachachiccunapish, llactata mandaccunapish Jesustaca ima shina huañuchinatami yuyacurcacuna.

Dios Rimashcata Quillcashcami

⁴⁷ Jesusca tucui punzhacunami Diosta mañana huasipi yachachic carca. Cutin curacunata mandac curacunapish, mandashcacunata yachachiccunapish, llactata mandaccunapish Jesustaca ima shina huañuchinatami yuyacurca.

SAN LUCAS 19:47 Iomraidhean Croise

SAN MATEO 21:23

Chai q'uipami Jesusca Diosman mañana huasiman yaicushpa, chaipi yachachicurca. Chashna yachachicucpimi, Israel*f** curacunata mandac curacunapish, cunac yuyaccunapish Jesuspacman cuchuyashpaca: —¿Pi mandacpitac chashna ruhuacungui? ¿Pitac cantaca chashna ruhuachun mandarca?— nishpa tapurcacuna.

SAN MATEO 26:55

Shinallatac Jesusca paita japiccunataca: —¿Ñucataca shuhuata shinachu japingapac, cancunaca espadacunahuan, caspicunahuan shamunguichic? Punzhantami Diosman mañana huasipica yachachicurcani. Chashna yachachicucpipish, mana japircanguichicchu.

MARCOS 11:18

Chashna nicta uyashpaca, mandashcacunata yachachiccunapish, curacunata mandac curacunapish Jesustaca ima shina huañuchinatami yuyaricurcacuna. Tucui gentecuna “Jesusca allitami yachachin” ninacucta uyashcamantami, manchashpa huañuchinata munarcacuna.

MARCOS 12:12

Yuyaita japina parlocunahuan Jesús paicunata rimashcamantami, paicunaca “Jesusta prezu japishun” nishpa yuyarircacuna. Chashna yuyacushpapish gentecunata manchashcamantami, mana imata ruhuashpa rircacunalla.

MARCOS 14:1

Levadura illac tandata micuna, pascua*f** punzha chayamungapac ishcai punzha tiyacpiracmi, curacunata mandac curacunapish, mandashcacunata yachachiccunapish: —¿Ima shinatac pacalla Jesustaca japishpa huañuchinchic?— nishpa yuyaricurcacuna.

MARCOS 14:49

Punzhantami cancunallahuantac Diosman mañana huasipica yachachicurcani. Chaipi yachachicucpipish, ñucataca mana japircanguichicchu. Ashtahuanpish Dios quillcachishcapi nishca pactachunmi, cancunaca cashna japingapac shamushcanguichic— nirca.

SAN LUCAS 19:48

Ashtahuanpish Jesús huillacucta tucui gentecuna alli uyacushcamantami, paicunaca imata mana ruhuai pudircacuna.

SAN LUCAS 20:19

“Jesusca yuyaita japina parlohuanca ñucanchictami rimacun” nishpami, curacunata mandac curacunapish, mandashcacunata yachachiccunapish p'iñarishpa: “Cunancarin, huañuchichingapac japichishun” nircacuna. Shina ninacushpapish, gentecunata manchashpami, mana imata ruhuarcacuna.

SAN JUAN 10:39

Shina nicpi, israelcunaca cutinllatacmi Jesustaca japishun nircacuna. Shina cacpipish paica paicunapac chaupimanta rircallami.

SAN JUAN 18:20

Chashna nicpimi Jesusca: —Ñuca yachachicushpaca, tandanacuna huasicunapipish, Diosman mañana huasipipish tucuipac ñaupapi imata mana pacashpami yachachircani.

SAN JUAN 7:19

Moisesmi cancunamanca mandashcacunataca curca. Shina cacpipish cancunapurapica shucllapish mana cazunguichicchu. ¿Ima nishpatac ñucataca huañuchishun ninguichic?— nirca.

SAN JUAN 7:44

Maijancunaca Jesusta prezu apashun yuyacushpapish, pi mana imata ruhuarcachu.