SAN LUCAS 19:44 - Nuevo Testamento en Quichua Cañar 1996

⁴⁴ Cai pueblota urmachishpa, tucui caipi causaccunata huañuchingacunami. Shuc rumillapish pircashcaca mana saquiringachu. Taita Dios quishpichingapac shamucpi mana chasquishcamantami, chashna llaquita apanguichic” nirca.

Dios Rimashcata Quillcashcami

⁴⁴ Cai pueblota urmachishpa, caipi causaccunatapish tucuchingami. Shuc rumillapish pircashcaca mana saquiringachu. Dios quishpichingapac shamucpi, mana chasquishcamantami llaquita apanguichic” nirca.

SAN LUCAS 19:44 Iomraidhean Croise

SAN MATEO 24:2

Chashna ricuchicpimi Jesusca: —¿Cai jatun huasicunallata ricushpachu mana amiricunguichic? Caipica, shuc rumillapish pircashcaca mana saquiringachu, tucui urmachishcami canga. Chaica chashnatacmi tucunga— nirca.

MARCOS 13:2

Chashna nicpi Jesusca: —¿Cai jatun huasicunallata ricushpachu mana amiricungui? Caipica shuc rumillapish pircashcaca mana saquiringachu, tucuimi urmachishca canga— nirca.

SAN LUCAS 1:68

“Ñucanchic israelcunata*f** Mandac Taita Diosca allimari. Paimi pai acllashcacunata quishpichingapacca shamushca.

SAN LUCAS 1:78

Ñucanchic Taita Diosca c'uyashpa llaquishcamantami, tutamanta inti achicyamucuc shina, quishpirinata jahua pachamanta cachanga.

SAN LUCAS 19:42

“¡Cai pueblopi causaccunalla! Taita Dios cancunaman sumac causaita cuna cashcata cunan punzhallapish yachashpaca, allichari canguichicman, ashtahuanpish cancunaca yuyai pacashca shina cashpami, mana entendinguichic.

SAN LUCAS 21:6

Chashna parlanacucpimi Jesusca: —Cunan cancuna ricucushcaca, shuc rumillapish mana pircashca saquirina punzhacunami chayamucun— nirca.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunata cunan “millaita ruhuaccuna” nishpa juchanchishpapish, cancuna allita ruhuacushcata ricushpaca, Dios taripana punzhapica Taita Diosta “allimari cangui” ningacuna.