SAN LUCAS 19:26 - Nuevo Testamento en Quichua Cañar 1996

²⁶ Chashna nicpi, chai mandacca cashnami nirca: ‘Charicmanmi, ashtahuan cushca canga. Mana charicmantaca, ashallata charishcatapish quichushcami canga, ninimi.

Dios Rimashcata Quillcashcami

²⁶ Chashna nicpimi, chai mandacca: “Ñucaca ninimi: Charicmanmi, ashtahuan cushca canga. Mana charicmantaca, ashallata charishcatapish quichushcami canga.

SAN LUCAS 19:26 Iomraidhean Croise

SAN MATEO 13:12

Taita Diosca maijanpish alli yuyaita charicmanca, ashtahuanmi cunga. Chashna cucpica, ashtahuanmi paica charinga. Ashtahuanpish mana charicmantaca, pai ashalla charishcallatapish quichungami.

SAN MATEO 21:43

Chashna cashcamantami Taita Diosca cancunata mandanata saquishpa, caishuc paita cazuccunallata mandanga.

MARCOS 4:25

Taita Diosca maijanpish alli yuyaita chariccunamanca ashtahuanmi cunga, ashtahuanpish mana chariccunamantaca, ashalla charishcatapish quichungami— nirca.

SAN LUCAS 16:3

Chashna nicpi chai mayordomoca: ‘Cunanca, ¿imatatac ruhuani? Ñuca amoca ña mana mayordomo cachun ninga. Allpapi imata ruhuashpa causanatapish mana pudishachu. Imatapish mañashpalla micushpa causanatapish pinganayangami.

SAN LUCAS 19:25

Chashna nicpi chai runacunaca: ‘Amito, paica ñamari chunga cullquita charin’ nircacuna.

SAN LUCAS 8:18

Chashna cacpica, ima shina uyashcata alli yuyarichic. Taita Diosca maijanpish alli yuyaita chariccunamanca ashtahuanmi cunga. Mana charicmantaca, pai charishami nishpa yuyacushcatapish quichungami— nirca.

HECHOS 1:20

Salmos libropica: ‘Pai causacushca huasica shitashca saquirichun, chai huasipica pipish ama causachun’ nicunmi. Chashnallatac: ‘Pai ruhuanataca, shuc runa ruhuachun’ nicunmi.

2 JUAN 1:8

Chashna cashcamantami cancunaca imalla ruhuashcamanta japina cashcata mana chingachishpa, tucui japina yuyailla cana canguichic.

APOCALIPSIS 2:3

Ñucata c'aticushcamanta llaquicunata apashpapish, mana p'iñarishpa, mana shaicushpa c'aticushcatapish yachanimi.

APOCALIPSIS 3:11

Cancunaman ñuca cusha nishcata ama pi quichuchun, ñucata c'atiranguichic. Ñucaca ñallami shamusha.