SAN LUCAS 17:29 - Nuevo Testamento en Quichua Cañar 1996

²⁹ Chashna causacucpimi, Lot ña Sodoma pueblomanta llucshicpica, Taita Diosca jahua pachamanta ninahuan, azufrehuan tamiachishpa, chai pueblopi causaccunataca tucuchirca.

Dios Rimashcata Quillcashcami

²⁹ Lot Sodoma pueblomanta llucshi punzhapica, jahua pachamanta nina, azufre tamyashpa, tucui tucuchirca.

SAN LUCAS 17:29 Iomraidhean Croise

SAN LUCAS 17:28

Shinallatacmi ñaupa taita Lot causai punzhacunapipish, allita micushpa, ubiashpa, c'atushpa, randishpa, tarpushpa, huasichishpa causacurcacuna.

SAN LUCAS 17:30

Chashnallatacmi Runa Tucungapac shamushca cutimuna punzhapipish canga.

2 PEDRO 2:6

Chashnallatac Diosca Sodoma pueblopi, Gomorra pueblopi causac millai gentecunataca uchupayangacamanmi rupachirca. Chashna ruhuashpaca, q'uipaman causac millai gentecuna chashnallatac tucuna cashcata ricuchingapacmi, chashnaca ruhuarca.

SAN JUDAS 1:7

Chai angelcuna shinallatacmi Sodoma pueblopi, Gomorra pueblopi shinallatac chai cuchulla pueblocunapi causaccunapish huacllirishpa, c'aricunapura, huarmicunapura chayarinacushpa, millaillapi causarcacuna. Chaimantami huiñaita rupacuc ninapi llaquita aparcacuna. Cunan punzha causaccuna ricushpa yuyarichunmi, chashnaca tucurca.

APOCALIPSIS 11:8

Chashna huañuchicpica, jatun pueblo ucupi tiyac callecunapimi paicunapac cuerpoca siricunga. Chai pueblollapitacmi paicunata Mandac Apunchic Jesustaca chacatashpa huañuchircacuna. Chashna jatun pueblo nishpaca, Sodoma pueblota, shinallatac Egipto llactatami chimbapurashpa nisha nin.

APOCALIPSIS 14:10

Taita Diosmanta shamuc jatun llaquitami vinota ubiac shina chasquinga. Chaitaca vasopi t'allishpa chasquic shinami, Diospac p'iñaitaca chasquinga. Chaicunaca Pactalla Ovejapac ñaupapi, shinallatac Diospaclla cac angelcunapac ñaupapimi ninahuanpish, azufrehuanpish llaquichishca canga.

APOCALIPSIS 19:20

Chai manchana animaltapish, llullashpa huillactapish prezu japircacunami. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.