SAN LUCAS 16:22 - Nuevo Testamento en Quichua Cañar 1996

²² Chashna huaccha runa ña huañucpica, angelcuna shamushpa, jahua pachapi causacuc ñaupa taita Abrahampac cuchumanmi paipac almataca aparcacuna. Shinallatac chai chayuc runapish huañucpica, enterrashcami carca.

Dios Rimashcata Quillcashcami

²² Huaccha runa ña huañucpica, angelcunami jahua pachapi causacuc Abrahampac cuchuman aparca. Shinallatac chayuc runa huañucpica, enterrarcami.

SAN LUCAS 16:22 Iomraidhean Croise

SAN MATEO 18:10

Pacta cai uchilla huahua shinacunata ‘imapac mana valinchu’ nishpa p'iñanguichicman. Ñucaca cashnami nini: Paicunata ricuracuc angelcunaca tucui causaipimi, jahua pacha ñuca Taitapac ñaupapi causacuncuna.

SAN MATEO 24:31

Chashna shamushpaca, ñuca angelcunatami cachasha. Trompetapi sinchita tocacpi, paicunami ñuca acllashcacunata cai pachapi tiyac mai llactacunamantapish tandachingacuna.

SAN MATEO 8:11

Cancunaman huillanimi: Achcacunami inti llucshicmanta, inti yaicucmanta tucui tandarishpa, ñaupa taita Abrahamhuan, Isaachuan, shinallatac Jacobohuan jahua pacha Taita Dios mandacucpi micungapac tiyaringacuna.

MARCOS 8:36

Maijanpish cai pachapi tucui imata charicyashpapish, huiñai causaita chingachishpaca, ¿ima allitac cangayari?

SAN LUCAS 12:20

Ashtahuanpish Taita Dios paitaca: ‘Yuyai illac runa, cunan tutallatacmi huañungui. Cai tucui huacaichishcacunaca, ¿pipacshi canga?’ nirca.

SAN LUCAS 16:21

Chai huaccha Lazaroca, chayuc runa micucushpa mizamanta urmachishcallatapish micusha nishpami, chaipi tiyacurca. Chashna sisuhuan apiyashcatami allcucuna shamushpa, lambic carcacuna.

SAN JUAN 1:18

Taita Diostaca jaicapi pi mana ricushcachu. Shina cacpipish Taita Dioshuan shuc yuyailla causac, paipac shuclla Churi Diosllatac cashpami, Taita Dios ima shina cashcataca ricuchirca.

SAN JUAN 13:23

Yachacuccunapuramanta Jesuspac shuc c'uyashca yachacucmi paihuan quimirishpa tiyacurca.

SAN JUAN 21:20

Pedro huashata tigrarishpa ricushpami, Jesuspac c'uyashca yachacuc c'aticushcata ricurca. Chai yachacucllatacmi Jesús pascuata*f** yuyarishpa micucucpica, paipac ladopi quimirishpa tiyacushca carca. Shinallatac paillatatacmi: “Apunchic Jesús, ¿pitac chai canta japichicca?” nishpa tapushca carca.

HEBREOS 1:14

Shina cacpica angelcunaca, ¿imatac canga? Angelcunaca Diospacta ruhuachun churashca espiritucunallami, shinallatac quishpirinata chasquiccunata ayudachun cachashcacunallami.

HEBREOS 2:14

Ima shinami shuc taita mamapac huahuacunaca shuc aichalla, shuc yahuarlla shina can, chai shinallatacmi Jesuspish ñucanchic shina aichayuc, yahuaryuc carca. Shina cashpami huañuiman apac diablotaca pai huañushpa chingachirca.

SANTIAGO 1:11

Sisaca inti llucshishpa, sinchita rupacyachishpa, q'uihuata chaquichicpica urmanllami. Chaipimi pai sumac cashcaca chingarin. Chai shinallatacmi chayucpish, paipac randina, c'atuna cashcata saquishpa chingaringalla.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

APOCALIPSIS 14:13

Chaimantaca jahua pachamanta shuc rimashca uyarishpaca: —Caita quillcai: Caimanta q'uipaman Apunchic Jesushuan shuc shinalla tucushpa huañuccunamanca, ¡mai cushicuimi canga!— nishcatami uyarcani. Diospac Espiritupish: —Ari, chashnami can. Paicuna ima ruhuacushcamantaca samaringacunami. Paicuna ima ruhuashcapish paicunahuanmi canga— ninmi.