SAN LUCAS 16:14 - Nuevo Testamento en Quichua Cañar 1996

¹⁴ Chashna nicta uyashpaca, cullquita charina yuyailla cac fariseocunaca*f** Jesusta asircacunami.

Dios Rimashcata Quillcashcami

¹⁴ Cullquita charina yuyailla cac fariseocunaca tucui chaicunata uyashpaca, Jesusta burlarcami.

SAN LUCAS 16:14 Iomraidhean Croise

SAN MATEO 23:13

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunami jahua pacha Taita Dios mandacucman gentecuna yaicunataca, huichcac shina jarcanguichic. Yaicunata munaccunatapish, yaicuchun mana saquinguichic. Shinashpami cancunallatacpish mana yaicunguichic.

SAN MATEO 9:24

Chaita ricushpa Jesusca: —Caimanta llucshichic. Huambraca mana huañushcachu, suiñucunllami— nirca. Chashna nicta uyaccunaca Jesustaca asircacunami.

SAN LUCAS 12:15

Chashnallatac Jesusca: —Charishcacunaca mana causaita cunchu. Chaimanta pacta misa tucushpa, imatapish ashtahuan charina yuyailla canguichicman— nirca.

SAN LUCAS 20:47

Viuda huarmicunapac huasicunatapish quichuccunami. Chashna ruhuashpaca, alli ricuringapacca unaitami Taita Diosman mañac tucuncuna. Chashna ruhuashcamantaca, paicunallatacmi ashtahuan llaquita apangacuna” nirca.

SAN LUCAS 23:35

Tucui chaipi cac gentecunami Jesustaca chaparacurcacuna. Mandaccunapish burlashpami: —Paica shuccunata quishpichic cashca jahuachu, paillatacca mana quishpirin. Taita Dios cachashca Quishpichic Cristo cashpaca, paillatac quishpirinmanmi— nircacuna.

SAN LUCAS 8:53

Chashna nicpica, ña huañushca cashcata yachashcamantami, tucui chaipi caccunaca paita asircacuna.

2 TIMOTEO 3:2

Cai pachapi causac gentecunaca quiquinlla alli canata munashpami, cullquita yallimana charinata munangacuna. Jatun tucushpa, imapish mana allita ruhuashpami cushicunga. Shinallatac Diostapish mana alli nishpami rimangacuna. Taita mama ima nishcatapish mana uyangacunachu. Rumi shungu tucushpami, Diosmanta yachachishcatapish mana cazungacuna.

HEBREOS 11:36

Cutin shuccunaca burlashpa asishcapish, macashcapish, cadenahuan huatashcapish shinallatac carcelpipish carcacunami.