SAN LUCAS 13:33 - Nuevo Testamento en Quichua Cañar 1996

³³ Shina cacpipish Diosmanta huillactaca mana maipipish huañuchincunallachu, Jerusalenllapimi huañuchincuna. Chaimanta cunanpish, cayapish, minchacunapish ñuca ricushca ñantaca rinallatacmi cani.

Dios Rimashcata Quillcashcami

³³ Shina cacpipish, Dios ima nishcata huillactaca mana maipipish huañuchinllachu, Jerusalenllapimi huañuchin. Chaimanta cunanpish, cayapish, minchapish ñuca ricushca ñantaca rinallatami cani.

SAN LUCAS 13:33 Iomraidhean Croise

SAN MATEO 20:18

—Uyaichic, cunanca Jerusalenmanmi ricunchic. Chaipimi Runa Tucungapac shamushca*f** ñucataca, curacunata mandac curacunapacmanpish, mandashcacunata yachachiccunapacmanpish japishpa apangacuna. Paicunaca ñucataca ‘huañunami cangui’ nishpami,

SAN MATEO 21:11

Shina tapucpimi gentecunaca: “Galilea llactapi tiyac Nazaret pueblomanta, Diosmanta huillac Jesusmi” nircacuna.

SAN LUCAS 9:53

Ashtahuanpish Samaria llactapi causaccunaca “Jesusca Jerusalenmanmi ricun” nicta uyashpami, paicunaca mana chasquishun nircacuna.

SAN JUAN 11:54

Chaimantami Jesusca israelcunapurapica ña mana purirca, ashtahuanpish Judea llactamanta llucshishpaca, shitashca pamba cuchullapi cac Efraín pueblopimi paipac yachacuccunahuan cangapac rirca.

SAN JUAN 11:9

Shina nicpi Jesusca: —¿Manachu punzhaca chunga ishcai pachata charin? Maijanpish punzhapi puricca, cai pachata achicyachic luzta ricushcamantaca mana mitcarinchu.

SAN JUAN 12:35

Chaimantami Jesusca cashna nirca: —Asha punzhacamanllami Achicyachic-huanca canguichic. Chaimanta manarac tutayacpi, Achicyachic-huan cashcacamanca, achicpi purina canguichic. Amsapi puricca maiman ricushcatapish mana yachanchu.

SAN JUAN 4:34

Shina nicpi, Jesusca cashnami nirca: —Ñuca micuna shinaca ñucata cachac Taita Diospac munaita ruhuanami, shinallatac pai imata ruhuachun nishcata tucuchinami.

SAN JUAN 9:4

Punzha tiyacpiracmi, ñucata Cachacpacta imatapish ruhuana canchic. Ña tutayacpica, pi imata mana ruhuangachu.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

HECHOS 13:27

Jerusalenpi causaccunapish, paicunata mandaccunapish, Jesús pi cashcataca mana yacharcacunachu. Diosmanta ñaupa huillaccuna huillashcata samana punzhacunapi rizashcata uyashpapish, mana entendishpami Jesusta huañuchishpaca, paicunallatac chai huillaccuna huillashcataca pactachircacuna.