SAN LUCAS 13:3 - Nuevo Testamento en Quichua Cañar 1996

³ Mana yalli juchayuccuna cashcamantachu chashnaca tucushca. Cancunapish juchayuc cashcamanta llaquirishpa, Taita Diosman mana cutirishpaca, tucuillatacmi huañushpa, llaquita apanguichic.

Dios Rimashcata Quillcashcami

³ Mana, mana yalli juchayuccuna cashcamantachu chashnaca tucurca. Cancunapish juchayuc cashcamanta llaquirishpa, Diosman mana cutirishpaca, tucuimi huañunguichic.

SAN LUCAS 13:3 Iomraidhean Croise

SAN MATEO 12:45

Chashna tarishpaca, paita yalli ashtahuan millai caishuc canchis supaicunata pushashpami, chai runapica causangapac shamun. Chaimantami chai runaca, ñaupa causacushcatapish yalli ashtahuan millai runa tucun. Chai shinallatacmi cunan punzhapi causac millai gentecunapish tucunga— nirca.

SAN MATEO 22:7

Chashna ruhuacpimi, jatun mandacca munai p'iñarishpa, chai huañuchic runacunataca huañuchishpa, chai pueblota rupachichun soldadocunata mandashpa cacharca.

SAN MATEO 3:2

Pai huillashpaca: “Taita Diosca ñami mandagrin. Chaimanta juchayuc cashcamanta llaquirishpa, Taita Diosman cutirichic” nirca.

SAN LUCAS 13:2

Chashna huillacpi Jesusca: —Chashna huañuchishcacunaca, ¿‘Galilea llactapi causac caishuc gentecunata yalli juchayuccuna cashcamantami chashna tucushca canga’ yuyanguichicchu?

SAN LUCAS 13:4

Shinallatac Siloepi jatun torre tigracpi, chunga pusacta ñitishca huañuccunaca, ¿‘paicuna tucui Jerusalenpi causaccunamanta yalli juchayuccuna cashcamantami chashna llaqui tucushca canga’ yuyanguichicchu?

SAN LUCAS 13:5

Mana chaimantachu chashna tucushca. Cancunapish juchayuc cashcamanta llaquirishpa, Taita Diosman mana cutirishpaca, tucuillatacmi huañushpa, llaquita apanguichic— nirca.

SAN LUCAS 24:47

Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.

HECHOS 3:19

Chaimanta juchayuc cashcamanta llaquirishpa, Diosman cutirichic. Chashna ruhuacpimi, Taita Diosca cancunapac juchacunata p'ichashpa, cushi causai punzhacunatapish cunga.