SAN LUCAS 13:11 - Nuevo Testamento en Quichua Cañar 1996

¹¹ Chai ucupica chunga pusac huatata c'urcuyashpa, ima shina mana derecharic huarmimi tiyacurca. Chai huarmica supai japishca cashcamantami, chashna ungushca carca.

Dios Rimashcata Quillcashcami

¹¹ Chaipimi chunga pusac huatata supai unguchishca huarmi tiyacurca. Chai huarmica mana derechari pudicchu carca.

SAN LUCAS 13:11 Iomraidhean Croise

SAN MATEO 4:23

Tucui Galilea llactapi tiyac israelcuna*f** tandanacuna huasicunapimi, Jesusca yachachishpa puricurca. Taita Dios mandacucmanta alli huillaitami huillarca, shinallatac tucui laya ung:uihuan, nanaihuan cac gentecunatapish alliyachircami.

MARCOS 9:21

Chashna tucucpi, Jesusca huambrapac taitataca: —¿Ima pachamantatac huambraca cashna canyari?— nishpa tapurca. Shina tapucpi taitaca: —Huahuamanta pachami cashna causan.

SAN LUCAS 13:12

Chai huarmita ricushpami, Jesusca paipac cuchuman c'ayarca. Chashna c'ayashpaca: —Huahua, ñami cantaca alliyachini— nirca.

SAN LUCAS 13:16

Cai huarmicarin, ñaupa taita Abrahampac huahua huahuapuramantami. Paitaca Satanasmi*f** chunga pusac huatata ung:uihuan huatashpa charicushca. Paitaca samana punzha cacpipish, ¿manachu ung:uimanta cacharichina cani?— nirca.

SAN LUCAS 21:28

Chai tucui llaquicuna callaricpica, Taita Dios cancunata ña quishpichigricushcatami yachanguichic. Chaimanta cancunaca ñahuita huichaiman churashpa chaparacuc shina, cushicuihuan chaparacuichic— nirca.

SAN LUCAS 8:2

Shinallatac maijan huarmicunapish c'aticurcacunami. Paicunatami maijancunataca supaicunata llucchishpa, maijancunataca ung:uicunamantapish Jesusca alliyachishca carca. Chai huarmicunapurapica, Magdala pueblomanta Mariapish carcami. Chai huarmimantami Jesusca canchis supaicunata llucchishca carca.

SAN LUCAS 8:27

Ña chai llactaman chayashpa, canoamanta Jesús uricucpica, pueblomanta shuc runami ñapish Jesuspac cuchuman shamurca. Chai runaca unai huatacunatami supaicuna japishca carca. Chashna cashpami churanapish illaclla, huasipipish mana causashpa, panteonllapimi causac carca.

SAN LUCAS 8:43

Chaicunapurapica, chunga ishcai huatata yahuar cacharirishpa causac ungushca huarmimi c'aticurca. Chai huarmica jambiccunapacpi jambiricushpallami, tucui charishcacunata tucuchishca carca. Pi jambicpish paitaca mana alliyachishcachu carca.

HECHOS 3:2

Chai huasiman yaicuna Sumac nishca pungupimi, huacharishca punzhamanta pacha mana puric runa chaiman yaicuccunaman imallatapish mañashpa tiyac carca. Chai runataca chai pungumanmi punzhanta apac carcacuna.

HECHOS 4:22

Pi mana alliyachipacta alliyachishca runaca, chuscu chunga huata yallitami charirca.