SAN LUCAS 12:26 - Nuevo Testamento en Quichua Cañar 1996

²⁶ Cai ashallatapish mana ruhuai pudishpaca, ¿ima nishpatac cutin shuc yuyaicunahuanpish puricunguichicyari?

Dios Rimashcata Quillcashcami

²⁶ Caillatapish mana ruhuai pudishpaca, ¿ima nishpatac imamantapish llaquiricunguichic?

SAN LUCAS 12:26 Iomraidhean Croise

SAN MATEO 6:25

Chaimantami ñucaca cancunamanca cashna nini: ‘¿Imatatac micushun, imatatac ubiashun, imatatac churarishun?’ nishpaca, ama chai yuyailla canguichicchu. Causaimari micunamantapish ashtahuan yalli valin. Shinallatac cuerpomari, churanamanta ashtahuan yalli valin.

SAN LUCAS 12:25

Shinallatac cancunapuramanta maijanpish unaita causasha nishpa, chai yuyailla puricushpapish, shuc horallatapish mana yallita causanguichicmanchu.

SAN LUCAS 12:27

Sisacuna sumacta sisacucta ricushpallapish yuyarichic. Paicunaca mana imata ruhuanchu, mana puchcanchu. Ashtahuanpish caita yuyarichic: Ñaupa mandac Salomonpish paipac tucui sumac charishcahuanpish, cai sisacuna shina sumactaca mana churarircachu.

SAN LUCAS 12:29

Chaimanta ima mana tiyacpipish: ‘¿Imatatac micushun, imatatac ubiashun?’ nishpa, ama chai yuyailla puricunguichicchu.

1 PEDRO 5:7

Ima llaquicuna japicpipish, Diospac maquipi churaichic. Paica cancunata cuidacunmi.