SAN LUCAS 12:1 - Nuevo Testamento en Quichua Cañar 1996

¹ Jesús chashna parlacucpica, huaranga huaranga gentecunami caishuc chaishuc ñitirinacui shamurcacuna. Chaipimi Jesusca paipac yachacuccunaman rimashpaca: “Fariseocunapac*f** yachachishcaca, levadura miraric shinami. Pacta chaita c'atishpa, paicuna shina mishqui shimi, jayac shungucuna tucunguichicman.

Dios Rimashcata Quillcashcami

¹ Huaranga huaranga gentecuna ñitirinacushpa shamucpimi, Jesusca paipac yachacuccunataca: —Fariseocunapac levaduramanta cuidaringuichic. Paicunaca mishqui shimi, jayac shungucunami.

SAN LUCAS 12:1 Iomraidhean Croise

SAN LUCAS 11:44

¡Aij, mandashcacunata yachachiccunalla, fariseocunalla, imachari tucunguichic! Cancunaca mishqui shimi, jayac shungucunami canguichic. Shinallatac huañushcacunata enterrashca jutcu shinami canguichic. Chai enterrashca jahuata puriccunaca, ucupi ima tiyashcata mana yachashpa purincunallami— nirca.

SAN LUCAS 12:56

Cancuna yachac tucushca cashpami, huaira jataricpipish, shinallatac p'uyuta ricushpapish, punzhacuna ima shina cagricushcataca yachanguichic. Chashna cashpaca, cunan punzha ñuca ima ruhuacushcata ricushpaca, ¿ima nishpatac mana entendinguichic?” nirca.

SAN LUCAS 5:1

Shuc punzhami Jesusca Genesaret jatun cucha patapi carca. Taita Diosmanta Jesús chaipi huillacucpimi, uyangapac shamuccunaca t'angarinacushpa paita ñitimurcacuna.

SAN LUCAS 5:15

Ashtahuanpish ungushcacunata Jesús alliyachishcaca, tucui llactacunapimi punzhanta ashtahuan uyarishpa c'atirca. Chaimantami uyangapacpish, shinallatac ungushcacunata jambichingapacpish achcacuna Jesuspacmanca shamurcacuna.

SAN LUCAS 6:17

Jesusca paipac yachacuccunahuan chai urcumanta shamushpaca, shuc pambamanmi chayamurca. Chai pambamanmi paipac yachacuccunapish, shinallatac Judea llactamantapish, Jerusalén pueblomantapish, mama cucha cuchulla Tiro llactamantapish, Sidón llactamantapish achca gentecuna Jesús yachachishcata uyangapac, shinallatac ung:uicunamanta alliyana munaihuanpish shamushca carcacuna.

HECHOS 21:20

Chashna parlacta uyashpaca, tucuimi Taita Diostaca “allimari cangui” nircacuna. Shina nishca q'uipami, Pablotaca cashna nircacuna: —Huauqui, riquiyari. Huaranga huaranga israelcunami*f** Jesustaca crishca. Tucui chaicunami: ‘Moisés mandashcacunataca cazunami canchic’ nicuncuna.

1 CORINTIOS 15:3

Tucuimanta yallica, ñuca ima shina chasquishca shinallatacmi, cancunamanpish yachachircani. Dios quillcachishcapi nishca shinallatacmi, Cristoca ñucanchic juchacunata perdonangapac huañurca.

HEBREOS 12:22

Ashtahuanpish cancunaca Sión*f** urcuman, causac Diospac jahua pacha Jerusalén puebloman, chaipi huaranga angelcuna tandanacushpa, Taita Diosta alli nicucmanmi chayarcanguichic.

SANTIAGO 3:17

Ashtahuanpish Dios cushca yuyaita chariccunaca, puntaca chuya shungu causanatami munancuna, shinallatac sumactami causancuna. Paicunaca alli shungucunami, imamantapish mana p'iñariccunachu, llaquiccunami, pimanpish mana tucuccunachu, imatapish mana huashalla rimaccunachu.

1 PEDRO 2:1

Shina cashcamanta tucui laya millaicunatapish, llullashpa crichinatapish, shuccuna ama charichun munanatapish, mishqui shimi canatapish, shinallatac tucui laya mana allita parlanacunatapish saquichic.