SAN LUCAS 11:45 - Nuevo Testamento en Quichua Cañar 1996

⁴⁵ Chashna nicpi, mandashcacunata yachachiccunapuramanta shuc runaca: —Yachachic, can chashna nishpaca, tucui ñucanchictapish juchanchishpa rimashcangui— nirca.

Dios Rimashcata Quillcashcami

⁴⁵ Chashna nicpimi, mandashcacunata yachachiccunapuramanta shuc runaca: —Yachachic, can chashna nishpaca, tucui ñucanchictapish rimashcanguimi— nirca.

SAN LUCAS 11:45 Iomraidhean Croise

SAN MATEO 22:35

Paicunapuramanta mandashcacunata shuc yachachicmi, Jesusta pandachingaraicu:

SAN LUCAS 11:46

Chashna nicpi, Jesusca cashnami nirca: —¡Aij, imachari tucunguichic, cancuna yachachiccunapish! Pi mana aparipac llashacta apachic shinami, shuccunataca imatapish ruhuachunlla ninguichic, ashtahuanpish cancunaca dedollahuanpish mana tuparisha nic shinami, chaicunataca mana ruhuashun ninguichicchu.

SAN LUCAS 11:52

¡Aij, imachari tucunguichic, mandashcacunata yachachiccunalla! Cancunami Diosmanta yachana yuyaitaca huichcac shina jarcanguichic. Cancunapish mana yachanata munanguichicchu. Shinallatac shuccuna yachachunpish, mana saquinguichicchu— nirca.

SAN LUCAS 7:30

Ashtahuanpish fariseocunapish,*f** shinallatac mandashcacunata yachachiccunapish Taita Dios ima shina paicunaman allita ruhuasha nishcataca mana chasquishun nishpami, Juan bautizacucpica, mana bautizarircacuna).

SAN JUAN 7:48

¿Mandac israelcunapish,*f** ñucanchic fariseocunapuramantapish crishcachu, imatacyari?

SAN JUAN 7:7

Cai pachapi causaccunaca cancunataca mana p'iñanchu, ashtahuanpish paicuna mana allita ruhuashcata ñuca huillashcamantami, ñucataca p'iñancuna.

SAN JUAN 9:40

Maijan fariseocuna*f** chaita uyashpaca: —¿Shinashpaca ñucanchicpish ñahui mana ricuccunachu canchic, imatacyari?— nishpa tapurcacuna.