SAN LUCAS 11:32 - Nuevo Testamento en Quichua Cañar 1996

³² Chashnallatac Ninivepi causac gentecunapish Dios ima nishcata Jonás huillacpica, juchayuc cashcamanta llaquirishpa, Taita Diosman cutirircacunami. Ñucacarin, Jonastapish yallimi caipica cani. Chaimanta Taita Dios taripana punzhapi Nínive pueblopi ñaupa causaccunami jatarishpa, cunan punzhapi causaccunataca: ‘Cancunaca mana allitachu ruhuashcanguichic’ nishpa juchanchingacuna.

Dios Rimashcata Quillcashcami

³² Ninivepi causac gentecunapish Jonás huillacpica, juchayuc cashcamanta llaquirishpa, Diosman cutirircami. Ñucacarin, Jonastapish yallimi caipica cani. Chaimanta Dios taripana punzhapica Nínive pueblopi causaccunapish cunan punzhapi causaccunataca juchanchishpa llaquichinga.

SAN LUCAS 11:32 Iomraidhean Croise

SAN MATEO 12:39

Chashna nicpi Jesusca: —Cai mana cric millai gentecunaca: ‘Pi mana ruhuaipacta ruhuashpa ricuchi’ nishpami mañancuna. Chashna cashpapish imata mana ricungacunachu, ashtahuanpish Diosmanta ñaupa huillac Jonás ima shina tucushcallatami ricungacuna.

SAN MATEO 12:41

Nínive pueblopi causac gentecunapish Dios ima nishcata Jonás huillacpica, juchayuc cashcamanta llaquirishpa, Taita Diosman cutirircacunami. Ñucacarin Jonastapish yallimi caipica cani. Taita Dios taripana punzhapica, Ninivepi causaccunami jatarishpa, cunan punzhapi causaccunataca: ‘Cancunaca mana allitami ruhuashcanguichic’ nishpa juchanchingapac jataringacuna.

SAN LUCAS 11:31

Sabá llactata jatun mandac huarmipish, alli yachac Salomón ima nishcata uyangapacmi caru llactamanta shamurca. Cunan ñucaca Salomontapish yallimi caipica cani. Chaimantami Taita Dios taripana punzhapica cunan punzha causaccunata taripacpica, chai huarmipish jatarishpa, cunan punzhapi causaccunataca: ‘Cancunaca mana allitachu ruhuashcanguichic’ nishpa juchanchinga.

HEBREOS 7:26

Ñucanchic charishun nishca shinami, Jesusca curacunata jatun mandac cura can. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Taita Diosca churashca.