SAN LUCAS 10:7 - Nuevo Testamento en Quichua Cañar 1996

⁷ Pi runapish imallata ruhuashcamantaca, japinata charinmi. Shina cashcamanta mai huasipi alli chasquicpica, chaillapitac imata carashcatapish micushpa pozanguichiclla. Cancunaca pacta huasi huasi puricunguichicman.

Dios Rimashcata Quillcashcami

⁷ Trabajac runaca pagota japinami can. Chaimanta mai huasipi alli chasquicpica, chaipi imata cushcata micushpa, ubiashpa canguichic.

SAN LUCAS 10:7 Iomraidhean Croise

MARCOS 6:10

Jesusca caitapish nircami: —Cancuna mai huasiman chayashpaca, shuc llactaman ringacaman chai huasillapi causacunguichiclla.

SAN LUCAS 10:6

Chashna nicpi, chai huasipi alli causaita maijanpish chasquishpaca, allitami causanga. Paicuna mana chasquicpica, cancuna chashna nishcapish yangallami canga.

SAN LUCAS 9:4

Mai huasiman chayashpaca, chai llactamanta ringacaman chai huasillapi causacunguichiclla.

HECHOS 16:15

Chaimantami paipac tucui familiandic bautizarishpa: —Apunchic Jesusta ñuca ña cric cashcata yachanguichicmi. Cunanca jacuchic, ñuca huasipi samaringuichic— nirca. Chashna nishpami, ñucanchictaca saquichirca.

HECHOS 16:34

Ña bautizarishpaca, paipac huasiman pushashpa rishpami, micunata cararca. Paica paipac tucui familiacunandic Taita Diosta crishcamantami, munai cushicurcacuna.

HECHOS 16:40

Ña carcelmanta llucshishpaca, Lidia huarmipac huasimanmi rircacuna. Chai huasipi tandanacushca criccunata “alli c'atinguichic” nishpaca, chai pueblomanta rircacunallami.

GÁLATAS 6:6

Dios rimashca shimita yachachiccunamanca yachacuccunaca imatapish cunami can.

1 TIMOTEO 5:13

Shinallatac huasi huasi purishpami, yanga puric tucuncuna. Chashnallapish mana tucunchu, ashtahuanpish huashalla llulla parlocunahuan purishpami, tucuipi satirishpa manapish cashcata parlancuna.

2 TIMOTEO 2:6

Maijan tarpuc runa cashpapish, pai yallita trabajacushcamantaca pairacmi japinata charin.