SAN LUCAS 10:10 - Nuevo Testamento en Quichua Cañar 1996

¹⁰ Mai puebloman cancuna yaicucpi mana chasquishun nicpica, ñanman llucshishpa:

Dios Rimashcata Quillcashcami

¹⁰ Mai puebloman yaicucpi mana chasquishun nicpica, ñanman llucshishpa:

SAN LUCAS 10:10 Iomraidhean Croise

SAN MATEO 10:14

Mai pueblopi cashpa, mai huasipi cashpa cancunata mana chasquishpa, cancuna huillashcata mana uyashun nicpica, chaimanta llucshishpa, cancunapac chaquipi c'atirishca allpatapish chaillapitac chaspishpa ringuichic.

SAN LUCAS 10:11

‘Ñucanchic chaquicunapi c'atirishca allpatapish, cancuna llaquita apana cashcata ricuchingapacmi, caillapitac chaspishpa saquinchic. Ashtahuanpish Taita Dios cancunata ña mandagricushcataca, alli yuyaringuichic’ nishpa huillanguichic.

SAN LUCAS 10:9

Chai pueblopi ungushcacuna tiyacpipish, alliyachinguichic. Shinallatac ‘Taita Diosca ñami cancunata mandagrin’ nishpa huillanguichic.

SAN LUCAS 9:5

Maijan pueblopi cancunata mana chasquishun nicpica, chaimantaca ringuichiclla. Paicuna llaquita apana cashcata ricuchingapacca, chaquipi c'atirishca allpatapish chaspishpa shitashpa ringuichic— nirca.

HECHOS 13:51

Chashna ruhuacpica, mana chasquishun nishcata ricuchingapacmi, chaquipi c'atirishca allpatapish chaspishpa shitashpa, Iconio puebloman rircacuna.

HECHOS 18:6

Chashna huillacucpimi, israelcunaca p'iñarishpa, Pablota c'amishpa rimai callarircacuna. Chaimantami Pabloca pai huillashcata mana uyashun nishcamanta churanata chaspirishpaca: —Ñuca huillana cashcataca ña cancunaman huillanimi. Cancuna mana crishpa juchallapitac huañucpica, Taita Diosca ñucataca mana juchanchingachu. Cunanmanta q'uipamanca, mana israelcunamanmi huillashpa purigrini— nirca.