SAN LUCAS 1:76 - Nuevo Testamento en Quichua Cañar 1996

⁷⁶ Ñuca huahualla, canca jahua pachapi causac Taita Dios ima nishcata huillacmi cangui. Canmi Quishpichic purina ñanta allichic shina, ñaupashpa ringui.

Dios Rimashcata Quillcashcami

⁷⁶ Ñuca huahualla, canca jahua Dios ima nishcata huillacmi cangui. Canmi Quishpichic purina ñanta allichishpa ñaupangui.

SAN LUCAS 1:76 Iomraidhean Croise

SAN MATEO 14:5

Juantaca Diosmanta huillacmi nishpami, gentecunaca niccuna carca. Chaimantami Herodesca Juanta huañuchisha nicushpapish, gentecunata manchashpa, mana huañuchirca.

SAN MATEO 21:26

‘Runacunallami cacharca’ nicpipish, gentecuna p'iñaringami. Juantaca tucui gentecunami ‘Diosmanta huillacmi carca’ nincuna— ninacurcacuna.

SAN MATEO 3:11

Cancunataca ñucaca Taita Diosman cutirichun nishpallami, yacuhuan bautizacuni, ashtahuanpish ñucapac q'uipa shamucmi, Diospac Espirituhuan shinallatac ninahuan cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushutallatapish mana apaipacchu cani.

SAN MATEO 3:3

Taita Dios ñaupa huillac Isaiasman Juanmanta quillcachishpaca: “Shitashca pambapi shuc caparishca uyarishpaca: ‘Quishpichic shamuna ñanta allichichic, shinallatac quingu ñancunatapish derechaichic’ nicunmi” nishca.

MARCOS 11:32

‘Runacunallami Juantaca cacharca’ ninapish mana allichu— ninacurcacuna. Tucui gentecuna “Juanca Diosmantatacmi huillacun” ninacucta uyashcamantami, gentecunata manchashpa imata mana ni pudircacuna.

SAN LUCAS 1:32

Paica alli nishcami canga. Jahua pachapi causac Diospac Churi nishcapishmi canga. Mandac Taita Diosca paitaca paipac ñaupa taita Davidta shina, jatun mandactami ruhuanga.

SAN LUCAS 1:35

Chashna nicpi, angelca cashnami nirca: —Jahua pachapi causac, imatapish ruhuaclla Diospac Espiritumi, cantaca p'uyu shina llandunga. Chaimanta can charishca huahuaca, ima jucha illacmi canga. Diospac Churi nishcapishmi canga.

SAN LUCAS 6:35

Ashtahuanpish cancunaca p'iñaccunata c'uyashpami, allita ruhuana canguichic. Imata mañachishpaca, chaimanta imata japinataca mana yuyanachu canguichic. Chashna ruhuashpami, cancunaca allicunata japinguichic. Jahua pachapi causac Taita Diospac huahuacunapish canguichicmi. Taita Diosca mana paita pagui niccunatapish, millaicunatapish llaquinmi.

SAN JUAN 1:23

Shina nicpi Juanca: —Ñaupa huillac Isaías huillashca shina, ‘Quishpichic shamuna ñanta derechaichic’ nishpa, shitashca pambapi caparicuc shinami cani— nirca.

SAN JUAN 1:27

Paica ñucapac q'uipatami shamunga. Ñucaca paipac ushuta huatashcallatapish mana pascaipacmi cani— nirca.

SAN JUAN 3:28

‘Ñucaca mana Quishpichic Cristochu cani, ashtahuanpish paipac ñaupata huillachun cachashcallami cani’ nishpa ñuca huillashcata, cancunallatacmi ña uyarcanguichic.

HECHOS 16:17

Chai huambrami Pablotapish, ñucanchictapish: —¡Cai runacunaca jahua pachapi causac Taita Diospacta ruhuaccuna cashpami, ima shina juchamanta quishpirina cashcata huillancuna!— nishpa, caparishpa c'aticuclla carca.