SAN JUAN 9:22 - Nuevo Testamento en Quichua Cañar 1996

²² “Maijanpish ‘Jesusca Quishpichic Cristomi’ nishpa huillacpica, israelcunapac tandanacuimanta llucchishpa cachashcami canga” nishpami, mandac israelcunaca ñaupaman yuyarinacushca carca. Chaimantami mandac israelcunata manchashpa, taita mamaca chashna nirca.

Dios Rimashcata Quillcashcami

²² Fariseocuna: “Maijanpish ‘Jesusca Cristomi’ nishpa huillacpica, israelcunapac tandanacuimanta llucchishpa cachashcami canga” nishpami, ñaupaman yuyarinacushca carca. Chaimantami mandac israelcunata manchashpa, taita mamaca chashna nirca.

SAN JUAN 9:22 Iomraidhean Croise

SAN LUCAS 6:22

Runa Tucungapac shamushca*f** ñucata c'aticushcamanta pipish p'iñacpi, llucchishpa cachacpi, c'amicpi, ima millaita rimacpipish, ¡cushicuichic!

SAN JUAN 1:19

Jerusalén pueblopi causac mandac israelcunaca,*f** Bautizac Juan maijan cashcata yachangapacmi curacunatapish, curacunata ayudac levitacunatapish paipacman tapuchun cacharcacuna.

SAN JUAN 16:2

Cancunataca tandanacuna huasicunamanta llucchishpa cachangacunami. Shinallatac cancunata huañuchishpaca, Taita Diosmanmi alli ruhuanchic nina punzhaca chayamungami.

SAN JUAN 19:38

Chai q'uipami, Arimatea pueblomanta José runaca Pilatopacman rishpa, Jesuspac cuerpota enterrangapac mañagrirca. Chai Joseca mandac israelcunata*f** manchashcamantami, pacalla Jesusta c'aticurca. Pilato “apashpa enterragri” nicpica, Jesuspac cuerpotaca aparcami.

SAN JUAN 20:19

Semana callari chai domingo punzhapitacmi ña tutayamugricucpi, yachacuccunaca mandac israelcunata*f** manchashcamanta pungucunata huichcarishpa, tucui tandarishpa tiyacurcacuna. Chashna cacpimi, Jesús paicunapacman chayashpa, chaupipi shayarishpaca: —Cushicuichic, ama manchaichicchu— nirca.

SAN JUAN 7:13

Shina ninacushpapish, mandac israelcunata manchashcamantami, pipish imata mana nishpa paicunapuralla Jesusmantaca parlanacurcacuna.

SAN JUAN 9:18

Ashtahuanpish mandac israelcunaca*f** pai ñahui mana ricuc cashpa, cunan ñahui ña ricucushcataca mana crircacunachu. Chaimantami paipac taita mamatapish c'ayachircacuna.

SAN JUAN 9:21

Shina cashpapish ima shina cunan pai ricucushcatapish, pai ricuchun pi ñahuita alliyachishcatapish, ñucanchicca mana yachanchicchu. Paillamantac tapuichic. Paica ña juizhu runami. Paimi ima cashcatapish ninga— nircacuna.

SAN JUAN 9:34

Shina nicpi paicunaca: —Canca juchasapami huacharishcangui. ¿Chashna cashca jahuachu ñucanchicta juchanchisha ningui?— nircacuna. Chashna nishpami, paitaca paicunapac tandanacuimanta llucchishpa cacharcacuna.

SAN JUAN 9:35

Chai ñahui mana ricuc cashca runata tandanacuimanta llucchishpa cachashcata Jesús yachac chayashpaca, paita mashcarcami. Ña tupashpaca: —¿Canca Runa Tucungapac shamushcataca*f** cringuichu?— nishpa tapurca.

HECHOS 4:18

Chashna ninacushca q'uipami, paicunata c'ayashpaca: —Chai Jesusmantaca, ama ashtahuan piman huillashpa yachachinguichicchu— nircacuna.

HECHOS 5:13

Shuccunaca paicunahuan tandanacunataca mancharcacunami. Chashna cacpipish chai pueblopi causaccunaca, tucuimi paicunataca allimi nircacuna.

HECHOS 5:40

Gamaliel chashna nishcata uyashpami, Jesús acllashca huillaccunataca cutin yaicuchishpa azutichircacuna. Chashna azutichishpaca: “¡Pacta cutin Jesusmanta huillanguichicman!” nishpami cacharcacuna.

APOCALIPSIS 21:8

Ashtahuanpish manchaccunaca, mana criccunaca, yalli millaicunaca, huañuchiccunaca, huaclliriccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapi shitashcami canga. Chaica q'uipa huañuimi canga— nirca.