SAN JUAN 8:52 - Nuevo Testamento en Quichua Cañar 1996

⁵² Shina nicpi, mandac israelcunaca: —Cunancarin supaihuan cashcata yachanchictacmi. Taita Abrahampish, Diosmanta ñaupa huillaccunapish huañurcami. Shina cacpica, ¿ima shinatac cutin canca ‘maijanpish ñuca nishcata cazuccunaca mana huañungachu’ ninguiyari?

Dios Rimashcata Quillcashcami

⁵² Shina nicpimi, mandac israelcunaca: —Cunancarin supaihuan cashcata yachanchictacmi. Abrahampish, Dios ima nishcata huillaccunapish huañurcami. Shina cacpica, ¿ima nishpatac canca “maijanpish ñuca nishcata cazuccunaca mana huañungachu” ninguiyari?

SAN JUAN 8:52 Iomraidhean Croise

SAN MATEO 11:18

Chashnallatac vinotapish mana ubiac, micunatapish mana micuc Juan shamucpica: ‘Paica supaihuanmi’ ninguichicmi.

SAN JUAN 1:19

Jerusalén pueblopi causac mandac israelcunaca,*f** Bautizac Juan maijan cashcata yachangapacmi curacunatapish, curacunata ayudac levitacunatapish paipacman tapuchun cacharcacuna.

SAN JUAN 14:23

Shina nicpimi, Jesusca cashna nirca: —Maijan ñucata c'uyacca, ñuca rimashcacunatami cazun. Shina cacpica, ñuca Taitapish c'uyanmi. Chaimanta ñucapish, ñuca Taitapish paihuanmi causangapac shamushun.

SAN JUAN 15:20

‘Maijan servicpish amotaca mana yallichu’ nishpa, ñacaman huillashcataca yuyarichic. Ñucatapish mana ricunachishpa llaquichircacunami. Shinallatacmi cancunatapish llaquichingacuna. Ñuca ima nishcata cazushca cashpaca, cancuna nishcatapish cazungacunami.

SAN JUAN 17:6

Can cai pachapi causac gentecunamanta acllashpa ñucaman cushcacunamanca, can ima shina cashcataca huillashcanimi. Cambacmi carcacuna, shinallatac canmi ñucaman curcangui. Paicunaca can rimashca shimitaca cazushcacunami.

SAN JUAN 7:20

Shina nicpi gentecunaca: —¡Supai japishcami cangui! ¿Pitac cantaca huañuchisha nicun?— nircacuna.

SAN JUAN 8:22

Chaita uyashpami mandac israelcunaca:*f** —¿Paillatac huañuchirinamantachu nicun, imashi? ¿Chaimantachu ñucanchictaca pai ricushcamanca mana rinata pudinguichicchu nicun, imashi?— ninacurcacuna.

SAN JUAN 8:48

Chaimantami mandac israelcuna*f** Jesustaca: —‘Canca Samaria llactamantami cangui, shinallatac supaihuanmi cangui’ nishpaca, allillatacmi nishcanchic— nircacuna.

SAN JUAN 8:51

Maijanpish ñuca nishcata cazucca mana huañungachu. Chaica chashnatacmi canga— nirca.

SAN JUAN 8:55

Cancunaca paitaca mana ricsinguichicchu. Shina cacpipish ñucaca ricsinimi. ‘Ñuca mana ricsinichu’ nishpaca, cancuna shinallatac llullacmi caiman. Ñucaca ricsinitacmi. Chaimantami pai ima nishcataca cazuni.

SAN JUAN 9:24

Shina nicpi, cutin chai ñahui mana ricuc cashca runata mandac israelcuna c'ayashpaca: —Diospac ñaupapi mana llullashpa huillai. Ñucanchicca chai runataca juchayuc cashcatami yachanchic— nircacuna.

HEBREOS 11:13

Tucui chai gentecunami Dios cushami nishcacunata manarac chasquishpa huañurcacuna. Shina cashpapish paicuna crishcamantami, carullamanta alabaduc shina ricurcacuna. Chashnami shuctac llactamanta caccuna shina cashcatapish, shinallatac cai pachapi puriccunalla shina cashcatapish paicunallatac huillarcacuna.

HEBREOS 2:9

Ashtahuanpish Jesustaca, ashacamanlla angelcunamanta asha yangallata ruhuashpa, cunanca llaquita apashpa huañushcamanta Taita Dios sumac alli nishcata ruhuashcatami ricunchic. Taita Diosca tucui mashnata c'uyashcamantami, Jesús tucuipac allipac huañuchun nicpi paica huañurca.