SAN JUAN 8:42 - Nuevo Testamento en Quichua Cañar 1996

⁴² Shina nicpimi, Jesusca cashna nirca: —Taita Dios cancunapac taita cacpica, c'uyanguichicmanmi. Ñucaca Diosmanta shamushpami caipi cani. Mana ñuca munaimantachu shamurcani, ashtahuanpish Taita Diosmi cacharca.

Dios Rimashcata Quillcashcami

⁴² Shina nicpimi, Jesusca: —Dios cancunapac taita cacpica, cuyanguichicmanmi. Ñucaca Diosmantami shamurcani. Mana ñuca munaimantachu shamurcani, ashtahuanpish Diosmi cacharca.

SAN JUAN 8:42 Iomraidhean Croise

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

SAN JUAN 12:49

Ñucaca mana ñuca munaimantachu rimacuni, ashtahuanpish ñucata cachac Taita imata huillachun nishcamantami, cashnaca huillacuni.

SAN JUAN 13:3

Jesusca Taita Dios cachashca shamushcatapish, paipacman cutina cashcatapish, shinallatac pi mana ruhuaipaccunata Taita Dios ruhuachun cushcatapish yacharcami.

SAN JUAN 14:10

¿Manachu ñucaca ñuca Taitahuan, Taitaca ñucahuan shuclla cashcataca cringui? Cancunaman ñuca ima nishcapish mana ñuca munaimantachu, ashtahuanpish ñuca Taita ñucapi cashpami, pai munashcata ruhuachicun.

SAN JUAN 16:30

Cunanmi can tucui imatapish yachac cashcataca yachanchic. Pipish manarac tapucpimi, canca yachangui. Chaimantami cantaca Diosmanta shamushca cashcata crinchic— nircacuna.

SAN JUAN 17:25

Imatapish cashcata ruhuac Taitalla, cai pachapaclla causaccuna canta mana ricsicpipish, ñucaca ricsinimi. Shinallatac cai ñucapac caccunapish, can ñucata cachashca cashcata yachancunami.

SAN JUAN 17:8

Can huillachun nishcata ñuca huillacpica, paicunaca chasquircacunami. Shinallatac Taita Diosmantatac ñuca shamushcata yachac chayashpami, can cachashcata crincuna.

SAN JUAN 3:17

Taita Diosca paipac Churitaca cai pachapi causaccunata llaqui pachaman cachachunca mana cacharcachu, ashtahuanpish cai pachapi causaccunata quishpichichunmi cacharca.

SAN JUAN 5:23

Shina cashcamantami ñuca Taitaman maijanpish cungurisha niccunaca, Churiman cunguringacuna. Maijanpish Churiman mana cunguricca, ñucata cachac Taitamanpish mana cungurinchu.

SAN JUAN 5:43

Ñuca Taita cachashca shamucpipish, mana chasquinguichicchu, ashtahuanpish shuc runa pai quiquinllamanta huillashpa shamucpica chasquinguichicmanmi.

SAN JUAN 8:14

Shina nicpi, Jesusca cashnami nirca: —Ñucaca maimanta shamushcatapish, maiman ricushcatapish yachanimi. Shina cashcamanta ñucallamanta huillacushcapish, mana yangallachu. Ashtahuanpish cancunaca ñuca maimanta shamushcatapish, maiman ricushcatapish mana yachanguichicchu.

1 CORINTIOS 16:22

Maijanpish Apunchic Jesusta mana c'uyactaca, Taita Dios llaquichishca cachun. ¡Ñucanchic Apunchic Jesús, shamuilla!

GÁLATAS 4:4

Shina cacpipish cachana punzha pactacpimi, Taita Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

1 JUAN 4:14

Ñucanchicllatacmi Taita Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

APOCALIPSIS 22:1

Chai q'uipaca chai angelmi causaita cuc, cristalman riccha callpacuc yacuta ricuchirca. Chai yacuca Taita Diospacpish, Pactalla Ovejapacpish*f** tiyarinamantami llucshicun.