SAN JUAN 8:29 - Nuevo Testamento en Quichua Cañar 1996

²⁹ Ñucata Cachacca ñucahuanmi. Ñucaca pai munashcallatami ruhuani. Chaimantami paica mana ñucallata saquin— nirca.

Dios Rimashcata Quillcashcami

²⁹ Ñucata Cachacca ñucahuanmi. Ñucaca pai munashcallatami ruhuani. Chaimantami paica mana ñucallata saquin— nirca.

SAN JUAN 8:29 Iomraidhean Croise

SAN MATEO 17:5

Pedro chashna nicucpiracmi, yuranlla p'uyu paicunataca quillparca. Chai p'uyu ucumanta shuc rimashca uyarishpaca: —Caimi ñuca c'uyashca Churi. Paillami ñucataca cushichin. Pai ima nishcata uyanguichic— nirca.

SAN MATEO 3:15

Shina nicpi Jesusca: —Cunanca can bautizailla. Ñucanchicmanca Taita Dios munashcata pactachinami ashtahuan alli— nicpimi, Juanca bautizarca.

SAN MATEO 3:17

Shinallatac jahua pachamanta rimashpaca: “Caimi ñuca c'uyashca Churica. Paillami ñucataca cushichin” nishcami uyarirca.

SAN JUAN 14:31

Cai pachapi causaccuna ñuca Taitata ñuca c'uyac cashcata yachachun, shinallatac pai mandashcata pactachicushcata yachachunca, chashnallatacmi cana can. Jatarichic, caimanta jacuchic— nirca.

SAN JUAN 15:10

Ima shinami ñuca Taitapac mandashcacunata pactachishpa, paipac c'uyashca cani, chai shinallatacmi cancunapish ñuca mandashcacunata pactachishpa, ñuca c'uyashca canguichic.

SAN JUAN 16:32

Cunanca ñami chai punzhaca chayamun. Cunanllatacmi cancunaca ñucallata saquishpa, caita chaita ringuichic. Shina cacpipish mana ñucallachu cani, ashtahuanpish ñuca Taitaca ñucahuanmi.

SAN JUAN 17:4

Ñucaca cai pachapica canta sumacyachishcanimi, shinallatac imata ruhuachun nishcatapish ña tucuchishcanimi.

SAN JUAN 4:34

Shina nicpi, Jesusca cashnami nirca: —Ñuca micuna shinaca ñucata cachac Taita Diospac munaita ruhuanami, shinallatac pai imata ruhuachun nishcata tucuchinami.

SAN JUAN 5:30

Ñuca munaimantaca imata mana ruhuanichu. Shina cashcamantami, ñucata cachac Taitapac munashcata ruhuashpa, ñuca munashcataca mana ruhuani. Taita Dios nishca shinami gentecunataca alli cashcata, mana alli cashcataca nini. Chaimantami ñuca taripashcaca chashnatac can.

SAN JUAN 6:38

Ñuca jahua pachamanta shamushpaca, mana ñuca munashcata ruhuangapac shamurcanichu, ashtahuanpish ñucata cachac Taita munashcata ruhuangapacmi shamurcani.

SAN JUAN 8:16

Ñucaca mana ñucallachu juchanchini, ashtahuanpish ñucata cachac Taitahuanmi juchanchini. Shina cashpami, ñuca maijanta juchanchishpaca, juchanchina cacpitac juchanchini.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita allita huillashpaca, tucui mana israelcunapish*f** uyachun huillarcani. Chashnami Apunchic Jesusca ñucataca, huañuchiccunamantaca p'iña leonpac shimimanta shina anchuchirca.

2 TIMOTEO 4:22

Apunchic Jesucristo canhuan cachun. Shinallatac Taita Diosca paipac sumaimana c'uyaita tucui cancunaman cushca cachun ninimi.

HEBREOS 4:15

Paica ñucanchicmanta Diospacta ruhuac curacunata jatun mandac cura cashpami, ñucanchic mana c'atinata pudicucpipish llaquin. Paitapish ñucanchicta shinallatacmi, mana alli yuyaicunaca pandachisha nirca. Shina cacpipish jaicapi mana juchallircachu.

HEBREOS 7:26

Ñucanchic charishun nishca shinami, Jesusca curacunata jatun mandac cura can. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Taita Diosca churashca.

1 JUAN 2:1

Ñuca c'uyashca huahuacuna, cancuna ama juchallichunmi caicunataca quillcani. Shina cacpipish maijan juchallishpaca, Taita Dioshuan rimactami charinchic. Paica imatapish cashcata ruhuac Jesucristomi.

1 JUAN 3:22

Shina pai nishcata cazushpa, paipac ñaupapi allita ruhuashpa causacucpica, ñucanchic ima mañashcatapish cungami.