SAN JUAN 8:26 - Nuevo Testamento en Quichua Cañar 1996

²⁶ Cancunataca tauca ninacunatapish, juchanchinacunatapish charinimi. Shina cashpapish ñuca cai pachapi causaccunata imata nishpapish, ñucata Cachac imata nishcata uyashpallami nini. Paica cashcata nicmi— nirca.

Dios Rimashcata Quillcashcami

²⁶ Cancunata juchanchishpa, tauca ninacunatami charini. Shina cashpapish ñucata Cachacca imatapish cashcatami nin. Ñucaca pai imata nishcallatami nini— nirca.

SAN JUAN 8:26 Iomraidhean Croise

SAN JUAN 15:15

Amopacta ruhuacca amo imata ruhuacushcata mana yachanchu. Chaimantami serviccunalla nishpaca, mana cancunataca c'ayani. Ñuca Taita tucui ima nishcacunata ñuca cancunaman huillashcamantami, ñucahuan apanacuccuna nishpa cancunataca c'ayani.

SAN JUAN 16:12

Cancunaman imata ninataca chariniracmi. Shina cacpipish cancunaman yalli achca cacpimi, cunanca mana tucui huillani.

SAN JUAN 17:8

Can huillachun nishcata ñuca huillacpica, paicunaca chasquircacunami. Shinallatac Taita Diosmantatac ñuca shamushcata yachac chayashpami, can cachashcata crincuna.

SAN JUAN 18:20

Chashna nicpimi Jesusca: —Ñuca yachachicushpaca, tandanacuna huasicunapipish, Diosman mañana huasipipish tucuipac ñaupapi imata mana pacashpami yachachircani.

SAN JUAN 3:11

Ñucanchicca imatapish yachashcatami ninchic, shinallatac imata ricushcatami huillanchic. Shina cacpipish, ñucanchic ima nishcataca mana cringuichicchu. Chaica chashnatacmi can.

SAN JUAN 7:16

Shina nicpi Jesusca cashnami nirca: —Ñuca yachachishcaca mana ñuca munaimantachu, ashtahuanpish ñucata cachac Taita Diosmantami.

SAN JUAN 7:28

Chaita uyashpaca, Diosman mañana huasi ucupi yachachicushpami Jesusca sinchita cashna nirca: —Ñuca maimanta cashcatapish, pi cashcatapish yachanchicmi nishpami yuyanguichic. Shina cacpipish ñuca quiquinllamantatacca mana shamurcanichu, ashtahuanpish cashcata ruhuac Taita Dios cachacpimi shamurcani. Paitaca cancunaca mana ricsinguichicchu.

SAN JUAN 8:25

Chaimanta Jesusman tapushpaca: —Canca, ¿pitac cangui?— nircacuna. Shina tapucpi Jesusca: —Ñuca pi cashcataca callarillapitacmi cancunamanca huillarcani.

SAN JUAN 8:27

Jesús chashna huillashpaca Taita Diosmantami huillacurca, ashtahuanpish paicunaca chaitaca mana entendircacunachu.

SAN JUAN 8:40

Ñucaca Diosmantatac yachacushcatami huillani. Shina cacpipish cancunaca ñucata huañuchishun ninguichicmi. Abrahamca jaicapi mana chashna ruhuashcachu.

2 CORINTIOS 1:18

Ñucanchicca cancunaman chai ratollatac “mana”, chai ratollatac “ari” mana nicchu canchic. Chaitaca cashcata nic Taita Diospish yachanmi.