SAN JUAN 8:21 - Nuevo Testamento en Quichua Cañar 1996

²¹ Jesusca cutinllatacmi paicunamanca: —Ñucaca rigrinimi. Ñuca rishca q'uipaca mashcanguichicmi. Shina mashcashpapish, cancunaca juchallapitacmi huañunguichic. Ñuca maiman ricushcamanca mana rinata pudinguichicchu— nirca.

Dios Rimashcata Quillcashcami

²¹ Cutinllatac Jesusca: —Ñucaca rigrinimi. Cancunaca mashcanguichicmi. Ñuca ricushcamanca mana ri pudinguichicchu Cancunapac juchallapitacmi huañunguichic— nirca.

SAN JUAN 8:21 Iomraidhean Croise

SAN MATEO 23:39

Cancunamanca ninimi: Cunanmanta pacha Taita Dios cachashca ñuca cutimucpi ‘allimari cangui’ ningacaman, ñucataca manatac ricunguichicchu— nirca.

SAN MATEO 25:41

Chai q'uipami ñucaca lluqui ladoman caccunataca: ‘Caimanta anchurichic, Taita Dios mana allichu canguichic nishcacuna. Diabloman, shinallatac paipacta ruhuac angelcunaman allichishca, mana huañuc ninamanmi shitashca cana canguichic.

SAN MATEO 25:46

Chashnacunaca, huiñaita jatun llaquimanmi shitashca canga. Ashtahuanpish cashcata ruhuaccunaca, huiñai causaitami japinga— nirca.

SAN JUAN 12:33

Jesusca pai ima shina huañuna cashcata yachachun nishpami, chashnaca nirca.

SAN JUAN 12:35

Chaimantami Jesusca cashna nirca: —Asha punzhacamanllami Achicyachic-huanca canguichic. Chaimanta manarac tutayacpi, Achicyachic-huan cashcacamanca, achicpi purina canguichic. Amsapi puricca maiman ricushcatapish mana yachanchu.

SAN JUAN 13:33

C'uyashca yachacuccuna, cancunahuanca ashacamanllami cagrini. Cancunaca ñucata mashcanguichicmi. Chashna cacpipish mandac israelcunaman*f** ima shinami nircani, shinallatacmi cancunamanca nini: Ñuca maiman rigricushcamanca, mana rinata pudinguichicchu.

SAN JUAN 7:34

Ñuca maipi cashcamanca mana chayanata pudinguichicchu. Chaimantami cancunaca ñucata mashcashpapish manatac taringuichic— nirca.

SAN JUAN 7:36

‘Ñuca maipi cashcamanca mana chayanata pudinguichicchu. Chaimantami cancunaca ñucata mashcashpapish mana taringuichic’ nishpaca, ¿imatashi nisha nin?— ninacurcacuna.

SAN JUAN 8:24

Chaimantami ‘cancunapac juchallapitac huañunguichic’ nircani. Ñuca pi cashcata cancuna mana crishpaca, cancunapac juchallapitacmi huañunguichic— nirca.

EFESIOS 2:1

Ñaupaca Diosta mana cazushpa, juchata ruhuashpa causacushcamantami, cancunaca huañushca shina carcanguichic.