SAN JUAN 8:12 - Nuevo Testamento en Quichua Cañar 1996

¹² Jesusca israelcunaman*f** cutin huillashpaca: —Ñucaca cai pachapi causaccunata achicyachic luzmi cani. Maijanpish ñucata c'aticca mana amsapi puringachu, ashtahuanpish causaita cuc luztami charinga— nirca.

Dios Rimashcata Quillcashcami

¹² Cutinllatac Jesusca israelcunataca: —Ñucami tucui cai pachapi causaccunapac achicyachic luz cani. Maijanpish ñucata caticca mana amsapi puringachu, ashtahuanpish causaita cuc luztami charinga— nirca.

SAN JUAN 8:12 Iomraidhean Croise

SAN MATEO 5:14

Cancunaca cai pachapi causaccunapacca, luz shinami canguichic. Urcu jahuapi huasichishca huasicunaca, mana pacalla canchu.

SAN LUCAS 2:32

Mana Israelpura*f** gentecunamanpish, paica achicyachic shinami yuyaita cunga. Can acllashca israelcunatapish, paimantami alli ningacuna” nirca.

SAN JUAN 12:35

Chaimantami Jesusca cashna nirca: —Asha punzhacamanllami Achicyachic-huanca canguichic. Chaimanta manarac tutayacpi, Achicyachic-huan cashcacamanca, achicpi purina canguichic. Amsapi puricca maiman ricushcatapish mana yachanchu.

SAN JUAN 12:36

Cancuna Achicyachicpac cangapacca, Achicyachic caipi cacpirac, Achicyachicpi crichic— nirca. Shina nishca q'uipami, Jesusca paicunapacmanta rishpa chingarircalla.

SAN JUAN 12:46

Maijanpish ñucata cricca ama amsapi cachunmi, ñucaca achicyachic luz shina cai pachamanca shamurcani.

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

SAN JUAN 3:19

Paicunaca mana allita ruhuacushcamantami Achicyachic shamucpipish, paita mana munashpa amsapi causacunallata ashtahuan munarcacuna. Chashna cashpami, paicuna millaita ruhuashcamantaca llaquita apangacuna.

SAN JUAN 7:17

Maijanpish Diospacta ruhuana munaita chariccunami, ñuca yachachishcaca ñuca quiquin munaimanta cashcata, mana cashpaca Diosmanta cashcata yachac chayancuna.

SAN JUAN 9:5

Cai pachapi cashcacamanca cai pachapi causaccunata achicyachic luzmi cani— nirca.

HECHOS 13:47

Mandac Diosca ñucanchicta mandashpaca: ‘Mana israelcunaman luz shina achicyachichunmi, cantaca churarcani. Tucui cai pachapi causaccunapish can huillashcamanta quishpirichunmi, chashna churarcani’ nishcami— nircacuna.

HECHOS 26:23

Paicunaca: ‘Quishpichic Cristoca llaquita apashpami huañunga. Shina huañushpapish, huañushcacunapuramanta pai punta causarishpami, ñucanchic israelcunamanpish, mana israelcunamanpish achicyachic luz shina quishpirina yuyaita cunga’ nishpami, huillashca carca. Chaitatacmi huillacuni— nirca.

2 PEDRO 2:17

Chai pandata yachachiccunaca yacu illac jundu shinacunami. P'uyuta huaira apashca shinacunami. Shina cashpami, paicunaca huiñaicaman jatun amsapi shitashca cangacuna.

2 PEDRO 2:4

Diosca paipac angelcuna cacpipish juchallicpica, mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

1 JUAN 1:6

“Paihuan shuc shinallami canchic” nishpapish, amsapi shina mana allita ruhuashpa causacushpaca, pai nishcataca llullapimi churanchic, shinallatac pai munashcataca mana ruhuanchicchu.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami. Paicunaca lucerocuna ñanta chingachishca shinami, tucuimanta yalli amsa pachapi huiñaicaman llaquita apangacuna.

SAN JUDAS 1:6

Shinallatac angelcunatapish, paicuna mandacushca jahua shitashpa rishcamantaca, amsa pachapimi tucuri punzhapi taripashpa llaquichingapac huiñaita huatashpa charicun.

APOCALIPSIS 21:24

Chai pueblo achicyachicpimi, tucui llactacunapi causaccunaca achicpi puringacuna. Shinallatac cai pachapi causac jatun mandaccunapish tucui ima charishcacunatami chaimanca apangacuna.