SAN JUAN 7:39 - Nuevo Testamento en Quichua Cañar 1996

³⁹ Jesús chashna nishpaca, Diospac Espirituta paita criccuna chasquina cashcatami nisha nirca. Jesusta Taita Dios manarac jahua pachaman pushacpimi, Diospac Espirituca manarac shamushca carca.

Dios Rimashcata Quillcashcami

³⁹ Jesusca, paita criccuna Diospac Espirituta chasquina cashcamantami chashna nirca. Jesusta Dios manarac jahua pachaman pushacpimi, Diospac Espirituca manarac shamushca carca.

SAN JUAN 7:39 Iomraidhean Croise

SAN MATEO 16:14

Chashna tapucpi paicunaca: —Maijancunaca: ‘Bautizac Juanmi canga’ nincunami. Maijancunaca: ‘Ñaupa huillac Eliasmi canga’ nincunami. Shinallatac maijancunaca: ‘Ñaupa huillac Jeremiasmi canga, mana cashpaca, Diosmanta ñaupa huillaccunamanta maijanmi canga’ nincunami— nircacuna.

SAN MATEO 21:11

Shina tapucpimi gentecunaca: “Galilea llactapi tiyac Nazaret pueblomanta, Diosmanta huillac Jesusmi” nircacuna.

SAN LUCAS 24:49

Chashna huillachunca, ñuca Taita cachasha nishca paipac Espiritutami cancunapacmanca cachasha. Paita ñuca cachangacamanca, cai Jerusalén pueblollapitac shuyanguichiclla. Ñuca cachacpi jahuamanta cancunapac shunguman pai shamucpimi, imatapish ruhuai pudinguichic— nirca.

SAN LUCAS 3:16

Chashna nicucpimi, Juanca tucui chaipi caccunataca: —Ñucaca cancunataca yacullahuanmi bautizani, ashtahuanpish ñucapac q'uipa shamucmi Diospac Espirituhuanpish, shinallatac ninahuanpish cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushuta huatashcallatapish mana pascaipacmi cani.

SAN LUCAS 7:16

Chashna ruhuacta ricushpaca, tucui chaipi cac gentecunami mancharishpa: —Cai ñucanchicpurapica, Diosmanta jatun huillacmi ricurishca. Pai acllashca gentecunataca, Taita Diosmi llaquishpa ricungapac shamushca— nishpami, Taita Diostaca “allimari cangui” nircacuna.

SAN JUAN 1:21

Shina nicpi, cutinllatac tapushpaca: —Shinashpaca, ¿maijantac cangui? ¿Ñaupa huillac Eliaschu cangui?— nicpi Juanca: —Mana paichu cani— nirca. Shina nicpi, paicunaca ashtahuanmi: —Shinashpaca, ¿shamuna cashca Diosmanta huillacchu cangui?— nircacuna. Shina nicpi Juanca: —Mana— nirca.

SAN JUAN 1:25

cutin tapushpaca: —Quishpichic Cristopish, ñaupa huillac Eliaspish, shamuna cashca Diosmanta huillacpish mana cashpaca, ¿ima nishpatac bautizacungui?— nircacuna.

SAN JUAN 1:33

Chashna ricushpapish, chai shamucca pai cashcataca mana yacharcanichu. Ashtahuanpish yacuhuan bautizachun ñucata cachac Taita Diosmi: ‘Maijanpimi ñuca Espíritu shamushpa tiyaricta ricungui, chaimi ñuca Espirituhuanca bautizanga’ nirca.

SAN JUAN 12:16

Cai nishcata yachacuccunaca chai punzhapica imata mana entendircacunachu. Shina cacpipish Jesús causarishca q'uipami, tucui chai tucushcaca paimanta ñaupaman quillcachishca pactashcata yuyarircacuna.

SAN JUAN 12:23

Shina huillacpimi, Jesusca cashna nirca: —Runa Tucungapac shamushca*f** ñucata sumacyachina punzhaca ña chayamushcami.

SAN JUAN 14:13

Tucui imatapish cancuna mañacpica, paipac Churimanta Taita Diosta gentecuna sumac alli nichunca cushami.

SAN JUAN 14:26

Ashtahuanpish Taita Dios ñucapac randi cachagricuc Cushichic paipac Espíritu shamushpami, tucui imatapish yachachinga, shinallatac tucui ñuca ima nishcacunatapish yuyachinga.

SAN JUAN 16:14

Paica ñucamanta chasquishpa cancunaman yachachicushcamantaca, paimi ñuca sumaimana cashcataca ricuchinga.

SAN JUAN 16:7

Shina cacpipish, ñuca rinami cancunamanca ashtahuan alli canga. Chashna ñuca mana ricpica, cancunata Cushichicca mana cancunahuan cangapac shamungachu. Ñuca rishpami, paitaca cachasha. Chaica chashnatacmi canga.

SAN JUAN 17:1

Chaicunata nishca q'uipaca jahua pachata huichailla ricushpami, Jesusca cashna nirca: —Ñuca Taitalla, ñucata japichina pachaca ñami chayamushca. Chaimanta cambac Churipish canta sumacyachichunca, cambac Churitapish sumacyachiyari.

SAN JUAN 17:5

Cunanca ñuca Taitalla, cai pacha manarac tiyacpi, ima shinami cambac ladopi sumacyachishca carcani, shinallatac cunanpish sumacyachiyari.

SAN JUAN 20:22

Chashna nishpa paicunata p'ucushpami: —Diospac Espirituta chasquichic.

SAN JUAN 6:14

Jesús chai shina pi mana ruhuaipacta ruhuacta gentecuna ricushpaca: —Cai runaca cai pachaman shamuna cashca Diosmanta huillactacmi— nircacuna.

SAN JUAN 7:12

Gentecunapurapica caishuc chaishuc parlanacushpaca: “Chai runaca alli runami” nircacunami. Cutin maijancunaca: “Paica mana alli runachu. Gentecunata umashpami purin” nircacunami.

SAN JUAN 8:54

Shina nicpimi, Jesusca cashna nirca: —Ñucallatac ‘allimi cani’ nirishpaca, imapish mana canmanchu. Ñucata alli nicca ñuca Taitami. Paillatatacmi cancunaca ‘ñucanchic Dios’ ninguichic.

HECHOS 19:2

Paicunatami: —Cancuna cric tucushpaca, ¿Diospac Espirituta chasquircanguichicchu?— nishpa tapurca. Chashna tapucpica: —Diospac Espíritu tiyashcataca, jaicapi mana uyashcanchicchu— nircacuna.

HECHOS 2:17

Taita Diosca: ‘Tucuri punzhacunapica ñuca Espiritutaca tucuimanmi cachasha. Ña chashna cachacpica, cancunapac churicunapish, ushicunapish ñucamanta huillangacunami. Cancunapac q'uipa huiñaicunapish, muscuipi shina ricungacunami. Ña yuyaccunapish muscungacunami.

HECHOS 2:33

Taita Dios Jesusta causachishpaca, jahua pachapi paipac alli maquimanmi tiyachirca. Chashnallatac Taita Diosca pai cusha nishca paipac Espirituta Jesusman cucpimi, paica ñucanchicman cachashca. Chaitami cunan cancunaca ricucunguichic, uyacunguichic.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Taita Diosca cancunapac juchacunata perdonanga, shinallatac paipac Espiritutapish cancunamanca cunga.

HECHOS 2:4

Chashna tiyarishpami, tucui chaipi caccunapac shunguman Diospac Espíritu shamushpa, paicunata rimachicpi, ch'ican ch'ican rimaicunata rimai callarircacuna.

HECHOS 3:13

ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús sumac alli nishca cachun chashna alliyachirca. Cancunaca chai Jesustami mandaccunapacman aparcanguichic. Pilato paita cacharisha nicucpipish, cancunaca mana cacharichun saquircanguichicchu.

HECHOS 4:31

Chashna mañashca q'uipaca, paicuna tandanacushca tiyacuc huasica chucchurcami. Diospac Espíritu tucui chaipi caccunapac shungupi junda cacpimi, paicunaca mana manchashpa, Diosmanta huillarcacuna.

ROMANOS 8:9

Cancunapica Diospac Espiritumi causacun. Chaimantami cai pacha jucha munashca shinaca mana causacunguichic, ashtahuanpish Diospac Espíritu yuyaita cushca shina causacunguichic. Maijanpish Cristopac Espirituta mana charicca, mana Cristopacchu.

2 CORINTIOS 3:8

Chashna cacpica, ¡Diospac Espiritumanta mushuc ari ninacuita huillashcacarin, chaita yallimi mai sumaimana canga!

EFESIOS 4:30

Taita Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan unanchishpa ch'icanyachirca. Chaimanta millaita rimashpa ama Diospac Espirituta nanachichicchu.