SAN JUAN 7:31 - Nuevo Testamento en Quichua Cañar 1996

³¹ Chaipi cac achca gentecuna paita crishpami: —Quishpichic Cristo shamushpaca, ¿cai runa ruhuashcamanta yallichu pi mana ruhuaipaccunataca ruhuanga, imashi?— nircacuna.

Dios Rimashcata Quillcashcami

³¹ Ashtahuanpish achca gentecuna paita crishpaca: —Cristo shamushpaca, ¿cai runa ruhuashcamanta yallichu milagrocunata ruhuanga?— nircacuna.

SAN JUAN 7:31 Iomraidhean Croise

SAN MATEO 12:23

Chashna ruhuacpica, tucuimi mana amirinacushpa caishuc chaishuc: “¿Paichu mandac Davidpac aillupuramanta shamuna cashcaca canga?” nishpa tapunacurcacuna.

SAN LUCAS 8:13

Rumi allpapi urmashca muyu shinaca, Dios rimashca shimita huillacpi cushilla chasquiccunami. Shina cashpapish mana ucuta sapiyashca shina cashpami, ashacamanlla crincuna. Llaquicuna japicpica, ña mana c'atishun nishpa saquirincunallami.

SAN JUAN 11:45

Mariata compañashpa shamuc tauca israelcunaca*f** Jesús ima ruhuashcata ricushpaca, paita crircacunami.

SAN JUAN 12:11

Lázaro causarishcamanta achca israelcuna Jesusta cringapac ch'icanyarinacushcamantami, chashnaca ruhuashun nircacuna.

SAN JUAN 12:42

Chashna pi mana crinchu nicpipish, mandac israelcunacamanmi taucacuna crirca. Ashtahuanpish tandanacuna huasimanta fariseocuna*f** llucchishpa cachanata manchashpami, paicunaca mana piman huillarcacuna.

SAN JUAN 2:11

Galilea llactapi tiyac Caná pueblopi Jesús chashna ruhuashpami, pipish mana ruhuaipaccunataca ruhuanata callarirca. Chashna ruhuashpami, paica pi mana ruhuaipaclla cashcata ricuchirca. Chashna ruhuacpimi, paipac yachacuccunaca pai Diosmanta shamushca cashcata crircacuna.

SAN JUAN 3:2

Paimi Jesuspacman tuta rishpaca: —Yachachic. Ñucanchicca can Dios cachashca yachachingapac shamushcataca yachanchicmi. Pipish can ruhuacuc shina, pi mana ruhuaipaccunataca mana Dioshuan cashpaca, mana ruhuanmanchu— nirca.

SAN JUAN 4:29

—Shamuichic, shuc runata ricunguichic. Paica tucui ñuca imata ruhuashpa causacushcatami huillan. ¿Manachu paica Quishpichic Cristo canga?— nirca.

SAN JUAN 4:39

Chai huarmi “ñuca imata ruhuashpa causacushcatami huillan” nishcata uyashpami, Samaria llactapi tiyac pueblopi causac gentecunaca: “Jesusca Quishpichicmi” nishpa crircacuna.

SAN JUAN 6:2

Pi mana ruhuaipaccunata ruhuashpa ungushcacunatapish alliyachishcata ricushpami, achca gentecuna paita c'atishpa rircacuna.

SAN JUAN 7:26

Riquichic, cunanca chaipimi tucuipac ñaupapi, pipish mana imata nishca rimaricun. ¿Paitaca mandaccunapish Quishpichic Cristomi nishpachu crincuna?

SAN JUAN 9:16

Shina nicpi maijan fariseocunaca: —Samana punzhata mana cazushpa, caita ruhuacca mana Diosmantachu shamushca canga— nircacuna. Cutin maijancunaca: —Shuc juchayuc runaca, ¿ima shinatac pi mana ruhuaipaccunataca ruhuangayari?— nircacuna. Chashna ninacushpami, paicunapura ch'icanyarinacui tiyarca.

HECHOS 8:13

Shinallatac chai brujo runa Simonpish, Jesusta crishpa bautizarircami. Chai q'uipaca, Felipe pi mana ruhuaipaccunata ruhuacta ricushpami, mana amirishpa paihuan pacta puricurca.

SANTIAGO 2:26

Shina cacpica, shuc cuerpoca alma illacllaca mana causai pudinchu. Chai shinallatacmi “cricmi cani” nishpalla, ima allita mana ruhuashpaca, mana crishca shinallatac can.