SAN JUAN 7:12 - Nuevo Testamento en Quichua Cañar 1996

¹² Gentecunapurapica caishuc chaishuc parlanacushpaca: “Chai runaca alli runami” nircacunami. Cutin maijancunaca: “Paica mana alli runachu. Gentecunata umashpami purin” nircacunami.

Dios Rimashcata Quillcashcami

¹² Gentecunapurapi maijan huashalla parlanacushpaca: “Chai runaca alli runami”, cutin maijancunaca: “Paica mana alli runachu. Gentecunata umashpami purin” ninacurca.

SAN JUAN 7:12 Iomraidhean Croise

SAN MATEO 10:25

Yachacuc ña yachachic shina tucushpaca, cushillami canman. Shinallatac shuc servicpish amo shina tucushpaca, cushillami canman. Huasipi taita shina pushac ñucatapish, ‘supaicunata mandac Beelzebumi*f** cangui’ nicushpaca, chai huasipi causac huahua shina cac cancunatacarin, ¡imatachari ningacuna!

SAN MATEO 21:46

Chaimanta Jesustaca prezu japishun nicushpapish, tucui gentecuna “paica Diosmanta huillacmi” nic cashcamanta manchashpami, mana imata ruhuashpa saquircacunalla.

SAN MATEO 27:63

Chaiman chayashpaca: —Jatun mandaclla. Cai llullac runa causacushpaca: ‘Quimsa punzhapica causarishallami’ nishcatami yuyarinchic.

SAN LUCAS 18:19

Chashna tapucpimi Jesusca: —¿Ima nishpatac ñucataca ‘alli’ nishpa c'ayangui? Allica shucllami tiyan, chaica Taita Diosmi.

SAN LUCAS 23:47

Mandac soldado chai tucuita ricushpaca, Taita Diosta “allimari cangui” nishpami: —Cai runaca allita ruhuactacmi cashca— nirca.

SAN LUCAS 23:50

Chai punzhacunallapitacmi Judea llactapi tiyac Arimatea pueblomanta, Taita Diosta alli cazuc, shinallatac gentecunapacpish alli nishca José runa causarca. Paica israelcunata*f** mandaccunapuralla tandanacushcapuramantami carca.

SAN LUCAS 6:45

Shinallatac alli runaca paipac shungupi alli yuyaicunata charishcamantami, allicunallata riman. Chashnallatac mana alli runaca paipac shungupi millai yuyai junda cashpami, mana allicunata riman. Tucui imata shimi rimashcaca, shungupi ima tiyashcatami ricuchin.

SAN LUCAS 7:16

Chashna ruhuacta ricushpaca, tucui chaipi cac gentecunami mancharishpa: —Cai ñucanchicpurapica, Diosmanta jatun huillacmi ricurishca. Pai acllashca gentecunataca, Taita Diosmi llaquishpa ricungapac shamushca— nishpami, Taita Diostaca “allimari cangui” nircacuna.

SAN JUAN 6:14

Jesús chai shina pi mana ruhuaipacta ruhuacta gentecuna ricushpaca: —Cai runaca cai pachaman shamuna cashca Diosmanta huillactacmi— nircacuna.

SAN JUAN 7:32

Gentecuna Jesusta cashnami, chashnami ninacucta fariseocuna*f** uyashpami fariseocunapish, curacunata mandac curacunapish soldadocunata japimuchun cacharcacuna.

SAN JUAN 7:47

Shina nicpi fariseocunaca: —¿Cancunatapish chai runaca crichircachu?

SAN JUAN 7:52

Shina nicpi paicunaca: —Shinashpaca, ¿canpish Galilea llactamantachu cangui? Shina cashpaca, Dios quillcachishcata ricui. Chaipica: ‘Pi Diosmanta huillacca mana Galileamanta shamushcachu’ ninmi— nircacuna.

SAN JUAN 9:16

Shina nicpi maijan fariseocunaca: —Samana punzhata mana cazushpa, caita ruhuacca mana Diosmantachu shamushca canga— nircacuna. Cutin maijancunaca: —Shuc juchayuc runaca, ¿ima shinatac pi mana ruhuaipaccunataca ruhuangayari?— nircacuna. Chashna ninacushpami, paicunapura ch'icanyarinacui tiyarca.

HECHOS 11:24

Bernabeca alli runa, alli cric, Diospac Espíritu paipac shungupi junda cacpimi, pai huillacpica achca gentecuna Apunchic Jesusta crircacuna.

ROMANOS 5:7

Cashcata ruhuacmantaca maijan huañusha nicushpapish, mana huañunmanllachu. Alli shunguyuc runamanta maijan huañusha nicushpapish, huañunmanchari.

FILIPENSES 2:14

Ama huashalla rimanacushpa, ama p'iñanacushpa imatapish ruhuaichicchu.