SAN JUAN 7:1 - Nuevo Testamento en Quichua Cañar 1996

¹ Chai q'uipaca, Galilea llactapimi Jesusca puricurca. Mandac israelcuna*f** huañuchishun nishpa chapacushcamantami, Judea llactapi canataca mana munarca.

Dios Rimashcata Quillcashcami

¹ Chai quipaca, Jesusca Galilea llactapimi puricurca. Mandac israelcuna huañuchishun nishcamantami, Judea llactapi canataca mana munarca.

SAN JUAN 7:1 Iomraidhean Croise

SAN MATEO 10:23

Maijan pueblopi cancunata llaquichicpica, caishuc puebloman ringuichic. Cancuna Israel*f** llactapi manarac tucuiman huillashpa puricpimi, Runa Tucungapac shamushca*f** ñucaca cutimusha. Chaica chashnatacmi canga.

SAN MATEO 21:38

Ashtahuanpish allpayucpac churi shamucucta chai chagrahuan saquiric runacuna ricushpacarin: ‘Paimi taita charishcataca japinga. Paipac randi ñucanchic japingapacca, huañuchishunchic’ ninacurcacuna.

MARCOS 11:18

Chashna nicta uyashpaca, mandashcacunata yachachiccunapish, curacunata mandac curacunapish Jesustaca ima shina huañuchinatami yuyaricurcacuna. Tucui gentecuna “Jesusca allitami yachachin” ninacucta uyashcamantami, manchashpa huañuchinata munarcacuna.

SAN JUAN 1:19

Jerusalén pueblopi causac mandac israelcunaca,*f** Bautizac Juan maijan cashcata yachangapacmi curacunatapish, curacunata ayudac levitacunatapish paipacman tapuchun cacharcacuna.

SAN JUAN 4:3

Chaita yachashpami, Jesusca Judea llactamanta llucshishpa, Galilea llactaman cutin rirca.

SAN JUAN 4:54

Caihuanca ña ishcai cutinmi Jesusca Judea llactamanta Galilea llactaman shamushpaca, pi mana ruhuaipacta ruhuarca.

SAN JUAN 6:1

Jesusca chai q'uipaca Galilea jatun cucha chimbanicmanmi rirca. Chai cuchallatacmi Tiberias shutipish can.

SAN JUAN 7:11

Mandac israelcuna*f** chai fiestapi mashcashpaca: —Chai runaca, ¿maipishi canga?— nishpami, gentecunaman tapurcacuna.

SAN JUAN 7:13

Shina ninacushpapish, mandac israelcunata manchashcamantami, pipish imata mana nishpa paicunapuralla Jesusmantaca parlanacurcacuna.

SAN JUAN 7:19

Moisesmi cancunamanca mandashcacunataca curca. Shina cacpipish cancunapurapica shucllapish mana cazunguichicchu. ¿Ima nishpatac ñucataca huañuchishun ninguichic?— nirca.

SAN JUAN 7:25

Chai pachallatacmi Jerusalén pueblopi causac maijan israelcuna*f** parlanacushpaca: —¿Manachu cai runaca huañuchingapac mashcacushca runa?

SAN JUAN 7:35

Shina nicpi, chai israelcunaca*f** paicunapura caishuc chaishuc tapunacushpaca: —Ñucanchic mana tarichunca, ¿maimanshi risha nin? Ñucanchicpuramanta Grecia llactapi chagrurishpa causaccunapacman rishpa, ¿chaipi mana israelcunamanchu yachachisha nin, imashi?

SAN JUAN 8:37

Cancuna Abrahampac huahua huahuacuna cashcataca yachanimi. Chashna cacpipish, ñuca yachachishcata mana crishpami, ñucataca huañuchishun nicunguichic.

SAN JUAN 8:40

Ñucaca Diosmantatac yachacushcatami huillani. Shina cacpipish cancunaca ñucata huañuchishun ninguichicmi. Abrahamca jaicapi mana chashna ruhuashcachu.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.