SAN JUAN 6:9 - Nuevo Testamento en Quichua Cañar 1996

⁹ —Caipimi shuc huambra pichca cebada tandata, shinallatac ishcai pescadotapish charicun. Caillaca cai tucui gentecunamanca, ¿imatac pactangayari?— nirca.

Dios Rimashcata Quillcashcami

⁹ —Caipimi shuc huambra pichca cebada tandata, ishcai challuata charicun. Caillaca cai tucui gentecunamanca, ¿imatac pactangayari?— nirca.

SAN JUAN 6:9 Iomraidhean Croise

SAN MATEO 14:17

Shina nicpi paicunaca: —Pichca tanda, ishcai pescadollatami charinchic— nircacuna.

SAN MATEO 16:9

Cancunaca ñuca pichca tandallamanta pichca huaranga yalli gentecunaman caracpi, ¿mashna taza puchushcataca manachu yuyaringuichic? ¿Chaitaca manaracchu entendinguichic?

MARCOS 6:38

Shina tapucpica: —Cancunaca, ¿mashna tandatatac charinguichic? Richic, ricumugrichic— nishpa, Jesusca paicunata cacharca. Paicuna cutimushpaca: —Pichca tanda, ishcai pescadollatami charishcanchic— nircacunami.

MARCOS 8:19

Pichca tandata pichca huaranga runacunaman ñuca caracpica, chai mana micui pudishpa puchuchishcataca, ¿mashna taza jundatatac tandarcanguichic?— nirca. Chashna tapucpica: —Chunga ishcai tazata— nirca. Shinallatac Jesusca:

SAN LUCAS 9:13

Shina nicpi Jesusca: —Cancunallatac caraichic— nirca. Chashna nicpi paicunaca: —Mana achcata charinchicca. Pichca tanda, ishcai pescadollatami charinchic. Micunata randimugrishpallami, cai tucui gentecunamanca carana canga— nircacuna.

SAN JUAN 11:21

Chashna tupangapac llucshishpami Martaca: —Apunchic Jesús, can caipi cashca cacpica, ñuca turica mana huañunmanchu carca.

SAN JUAN 11:32

Jesús maipi cashcaman María chayashpa Jesusta ricushpaca, paipac chaquipi cungurishpami: —Apunchic Jesús, can caipi cashca cacpica, ñuca turica mana huañunmanchu carca— nirca.

SAN JUAN 21:10

Chaipimi Jesusca: —Ñaca japishca maijan pescadocunata apamuichic— nirca.

SAN JUAN 21:13

Chai q'uipaca cuchuyashpa tandata japishpami, Jesusca paicunaman curca. Pescadocunatapish shinallatacmi curca.

SAN JUAN 21:9

Paicuna canoamanta uricushpaca, nina brazas jahuapi pescado cusaricuctapish, tanda chaipi tiyacuctapish ricurcacunami.

SAN JUAN 6:11

Jesusca chai tandata japishpa, Taita Diosta pagui nishpaca, yachacuccunamanmi chaipi caccunaman carachun curca. Pescadota japishpapish, chashnallatacmi ruhuarca. Chashna ruhuacpica, mana nictami micurcacuna.

SAN JUAN 6:7

Shina nicpi Felipeca: —Ishcai pasac denario*f** cullquihuan randishca tandapish, shinachari asha ashalla carangapacllapish mana pactangachu— nirca.

2 CORINTIOS 8:9

Ñucanchic Apunchic Jesucristo mai c'uyac cashcataca, cancunaca ña yachanguichicmi. Paica achcata charic cashpapish, cancunamantami imata mana charic huaccha tucurca. Chai shina huaccha tucushcamantami, cancunaca achcata chariccuna shina tucunguichic.

APOCALIPSIS 6:6

Shinallatac chai chuscu animalman ricchacunapac chaupimanta shuc rimashpaca: “Ishcai libra trigollami shuc punzha trabajoca valinga. Shinallatac sucta libra cebadapish shuc punzha trabajollatacmi valinga. Shina cacpipish aceiteta, vinota ama imata ruhuanguichicchu” nishcatami uyarcani.