SAN JUAN 6:51 - Nuevo Testamento en Quichua Cañar 1996

⁵¹ Ñucami jahua pachamanta shamushca, huiñai causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

Dios Rimashcata Quillcashcami

⁵¹ Ñucami jahua pachamanta shamushca, causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

SAN JUAN 6:51 Iomraidhean Croise

SAN MATEO 20:28

Chai shinallatacmi Runa Tucungapac shamushca*f** ñucaca, servichingapacca mana shamurcani, ashtahuanpish servingapac, shinallatac achcacunamanta huañushpa quishpichingapacmi shamurcani— nirca.

SAN LUCAS 22:19

Shinallatac Jesús tandata japishpapish Taita Diosta pagui nishpami, chaupishpa chaupishpa yachacuccunaman cushpaca: —Caica, cancunamanta llaquichishca cana ñuca aichami. Ñucata yuyarishpa, cashna ruhuacunguichiclla— nirca.

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

SAN JUAN 1:29

Cayandic punzha Jesús paipacman chayamucucta ricushpami, Juanca cashna nirca: —Riquichic. Caimi cai pachapi causaccunamantaca, juchacunata anchuchichun Taita Dios cachashca Pactalla Ovejaca.*f**

SAN JUAN 11:26

Shinallatac maijanpish causacushparac ñucata cricca, huañushpapish huiñaitaca mana huañungachu. ¿Chaitaca cringuichu?— nirca.

SAN JUAN 3:13

Jahua pachamanca pi mana rishcachu, ashtahuanpish Runa Tucungapac shamushca*f** ñucallami jahua pachamantaca shamurcani. Ñucami jahua pachapi causacca cani.

SAN JUAN 3:14

Ima shinami Moisés shitashca pambapi broncemanta ruhuashca culebrata caspipi jahuaman huarcushpa ricuchirca, shinallatacmi Runa Tucungapac shamushca ñucapish, caspipi jahuaman huarcushca cana cani.

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

SAN JUAN 3:36

Maijanpish paita cricca huiñai causaita charinmi. Maijanpish paita mana cricca mana huiñai causaita charinchu, ashtahuanpish paitaca Taita Diosca p'iñacungallami.

SAN JUAN 5:24

Maijanpish ñuca nishcata uyashpa ñucata cachac Taitatapish cricca, huiñai causaita charinmi. Paica huañushcamanta causaiman chimbashca cashcamantami, llaqui pachamanca mana cachashca canga. Chaica chashnatacmi can.

SAN JUAN 6:33

Taita Dios cushca tandaca jahua pachamanta shamucmi. Chai tandami cai pachapi causaccunamanca huiñai causaitaca cun— nirca.

SAN JUAN 6:35

Shina nicpi, Jesusca cashnami nirca: —Ñucami huiñai causaita cuc chai tandaca cani. Maijanpish ñucapacman shamucca manatac yarcachingachu. Shinallatac maijanpish ñucata cricca manatac yacunachingachu.

SAN JUAN 6:41

Jesusca “jahua pachamanta shamushca tandami ñucaca cani” nicta uyashpami, israelcunaca*f** p'iñarishpa, rimari callarircacuna.

SAN JUAN 6:47

Maijanpish ñucata cricca, huiñai causaita charinmi. Chaica chashnatacmi can.

SAN JUAN 6:48

Ñucami huiñai causaita cuc tandaca cani.

SAN JUAN 6:50

Ashtahuanpish caimi jahua pachamanta shamushca tandaca. Maijanpish cai tandata micucca mana huañungachu.

SAN JUAN 7:38

Dios quillcachishcapica: ‘Maijanpish ñucata cricpac shungumantaca, causaita cuc yacu shinami llucshinga’ ninmi— nirca.

2 CORINTIOS 5:19

Chashnaca Taita Dios gentecunapac juchata mana yuyarishpami, Jesucristomanta tucui cai pachapi causaccuna paihuan alli tucuchun chasquicun. Dioshuan alli tucunata huillaccuna cachunmi, ñucanchicman mingarca.

2 CORINTIOS 5:21

Apunchic Jesucristo mana juchayuc cacpipish, Taita Diosca ñucanchic juchacunamantami llaquita apachun curca. Shina cacpica, Jesusmantami Taita Dioshuan alli tucunchic.

EFESIOS 5:2

Jesucristo ñucanchicta c'uyac shinallatac, cancunapish c'uyanacushpa causaichic. Paica c'uyashcamantami, Diosman cushpa rupachishca mishquiman ashnacuc shina cangapac, pai quiquinllatac japi tucushpa, ñucanchicmanta huañurca.

EFESIOS 5:25

Cusacunapish, Jesucristo tandanacushca criccunata c'uyac shina, cancunapac huarmicunata c'uyaichic. Jesucristoca tandanacushca criccunata c'uyashpami huañurca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

HEBREOS 10:20

Causaita cungapacca, mushuc ñanta cuc shinami Jesucristollatac Diospaclla ch'icanyachishca ucuman yaicuna jarcashcataca anchuchirca. Quiquinlla huañushpami, chashna pactachirca.

1 PEDRO 2:4

Apunchic Jesusman chayarichic, paica causac rumi shinami. Paitami gentecunaca mana valichishpa shitashca. Shina mana valichishca cacpipish, Taita Diosmanca achca valic acllashca rumimi can.

1 JUAN 2:2

Jesucristoca Taita Dios ñucanchic juchacunata perdonachunmi, ñucanchicpac randi huañurca. Shina huañushpaca mana ñucanchic juchacunallamantachu huañurca, ashtahuanpish tucui cai pachapi causaccunapac juchata perdonachunmi huañurca.

1 JUAN 4:10

Mana ñucanchicchu Diosta c'uyashcanchic, ashtahuanpish Taita Diosmari ñucanchictaca c'uyashpa, paipac Churita ñucanchic juchacunamanta huañushpa juchacunata p'ichachun cacharca. Chai c'uyaimi tucuimanta yallica.

1 JUAN 4:14

Ñucanchicllatacmi Taita Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.