SAN JUAN 6:27 - Nuevo Testamento en Quichua Cañar 1996

²⁷ Cancunaca ama chingariclla micunata mashcaichicchu. Chaica chingaringallami, ashtahuanpish mana chingaric micunata mashcaichic. Chai micunami huiñai causaitaca cun. Chai micunataca Runa Tucungapac shamushca*f** ñucallami cusha. Chaita cuchunmi Taita Diosca ñucataca cacharca— nirca.

Dios Rimashcata Quillcashcami

²⁷ Cancunaca ama chingariclla micunata mashcaichicchu, ashtahuanpish huiñai causaita cuc micunata mashcaichic. Chai micunataca Runa Tucungapac shamushca ñucallami cusha. Chaita cuchunmi Diosca ñucataca cacharca— nirca.

SAN JUAN 6:27 Iomraidhean Croise

SAN MATEO 17:5

Pedro chashna nicucpiracmi, yuranlla p'uyu paicunataca quillparca. Chai p'uyu ucumanta shuc rimashca uyarishpaca: —Caimi ñuca c'uyashca Churi. Paillami ñucataca cushichin. Pai ima nishcata uyanguichic— nirca.

SAN MATEO 25:46

Chashnacunaca, huiñaita jatun llaquimanmi shitashca canga. Ashtahuanpish cashcata ruhuaccunaca, huiñai causaitami japinga— nirca.

SAN MATEO 3:17

Shinallatac jahua pachamanta rimashpaca: “Caimi ñuca c'uyashca Churica. Paillami ñucataca cushichin” nishcami uyarirca.

SAN MATEO 6:19

Cai pachallapi chayuc canataca, ama munaichicchu. Chai charishcacunataca polillapish micunllami, shuhuacunapish huasita jutcushpa shuhuanllami. Mana cashpaca chaicunaca ismushpa tucurinllami.

SAN MATEO 8:20

Chashna nicpi Jesusca: —Atuccunapish, maipi suiñuna jutcuta charinmi. Zhutacunapish, maipi suiñuna c'uzhata charinmi. Ashtahuanpish Runa Tucungapac shamushca*f** ñucaca, maipi umata samachinallatapish mana charinichu— nirca.

MARCOS 1:11

Shinallatac jahua pachamanta rimashpaca: “Canmi ñuca c'uyashca Churica cangui. Canllami ñucataca cushichingui” nishcami uyarirca.

MARCOS 9:7

Shina rimacucpimi p'uyu llandushpa, paicunataca ñapish quillparca. Chai p'uyu ucumanta shuc rimashca uyarishpaca: —Caimi ñuca c'uyashca Churi. Pai ima nishcata uyanguichic— nirca.

SAN LUCAS 3:22

Chashnallatac Diospac Espíritu paloma shina jahuamanta shamushpa, paipac jahuaman uricumucuctami ricurca. Shinallatac jahua pachamanta rimashpaca: —Canmi ñuca c'uyashca Churi cangui. Canllami ñucataca cushichingui— nishcami uyarirca.

SAN LUCAS 9:35

Chai p'uyu ucumanta shuc rimashca uyarishpaca: —Caimi ñuca c'uyashca Churi. Paillami ñucataca cushichin. Pai ima nishcata uyanguichic— nirca.

SAN JUAN 10:28

Ñucaca huiñai causaitami paicunamanca cuni. Paicunaca mana chingaringachu, shinallatac pipish ñuca maquimantaca mana quichungachu.

SAN JUAN 11:42

Ñuca mañashcata can uyac cashcataca yachanimi. Ashtahuanpish caipi cac gentecuna ñucata can cachashca cashcata crichunmi, paicunapac allipac cashna nini— nirca.

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

SAN JUAN 15:24

Pi mana ruhuaipaccunata paicunapac ñaupapi ñuca mana ruhuashca cacpica, paicunaca mana juchanchishcachu canman carcacuna. Ashtahuanpish caicunataca ña ricurcacunami. Chashna cashca jahuami ñucatapish, ñuca Taitatapish p'iñancuna.

SAN JUAN 17:2

Canca huiñai causaita ñucaman cushcacunaman cuchunmi, tucui gentecunataca ñuca maquipi churashcangui.

SAN JUAN 3:15

Maijanpish ñucata cricca huiñai causaita charichunmi, chashna ruhuashca cana cani.

SAN JUAN 3:33

Shina cashpapish pai huillashcata maijanllapish crishpaca, Taita Dios mana llullac cashcatami ricuchincuna.

SAN JUAN 6:40

Ñuca Taitaca paipac Churita maijanpish ricushpa crishpaca, huiñai causaita charichunmi munan. Chaicunataca ñucami tucuri punzhapi causachisha— nirca.

SAN JUAN 6:47

Maijanpish ñucata cricca, huiñai causaita charinmi. Chaica chashnatacmi can.

SAN JUAN 6:51

Ñucami jahua pachamanta shamushca, huiñai causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

SAN JUAN 6:53

Shina nicpimi Jesusca cashna nirca: —Runa Tucungapac shamushca ñuca aichata cancuna mana micushpa, ñuca yahuarta mana ubiashpaca, causaitaca mana charinguichicchu. Chaica chashnatacmi can.

SAN JUAN 6:54

Maijanpish ñuca aichata micucca ñuca yahuarta ubiacca, huiñai causaita charinmi. Shinallatac ñucaca tucuri punzhapica causachishami.

SAN JUAN 6:58

Ñucaca jahua pachamanta shamushca tandamantami rimacuni. Cai tandaca mana cancunapac ñaupa taitacuna micushca maná shuti tanda shinallachu. Paicunaca chai tandata micushpapish huañurcacunami. Maijanpish cai tandata micucca, huiñai causaitami charinga— nirca.

SAN JUAN 6:62

Shina cashpaca, Runa Tucungapac shamushca*f** ñuca puntaman maipi cashcallamantac ricta ricushpaca, ¿imashi tucunguichicman?

SAN JUAN 6:68

Shina nicpi, Simón Pedroca: —Apunchic Jesús, ¿pipacmanta rishunyari? Cambac rimashca shimicunaca, huiñai causaita cuc shimicunami.

SAN JUAN 8:18

Shina cashcamantami, ñucapish ñucallamantatac huillacuni. Shinallatac ñucata cachac Taitapish ñucallamantatacmi huillan— nirca.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

HECHOS 2:22

Tucui israelcuna, cai ñuca huillashcata alli uyaichic: Taita Diosca Nazaret pueblomanta Jesusta cachashpami, pi mana ruhuaipaccunata ruhuachishpa, pi mana ricushcacunatapish ricuchishpa, Jesús pi cashcata cancunamanca ricuchirca. Chaitaca cancunallatac alli yachanguichicmi.

ROMANOS 4:11

Abrahamtaca crishcallamantami Taita Diosca paihuan alli tucuchun chasquirca. Ashtahuanpish Dios chasquishcata ricuchingapacmi, q'uipata circuncisionta ruhuarca. Chashnami Abrahamca mana circuncisionta ruhuashca cashpapish, tucui criccunapac taita shina tucurca. Taita Diosca paicunatapish crishcallamantami paihuan alli tucuchun chasquirca.

ROMANOS 6:23

Juchata ruhuashpa causacushcamantaca, huañuitami japina can. Ashtahuanpish ñucanchic Apunchic Jesucristohuan shuc shinalla caccunamanca, Taita Dios mai c'uyashpa, huiñai causaitaca yangami cun.

1 CORINTIOS 6:13

Shinallatac maijanca: “Micunaca huicsapacmi, cutin huicsaca micungapacmi can” ningachari. Chashna cashpapish Taita Diosca micunatapish, huicsatapish chingachingami. Cuerpoca mana huaclliringapacchu, ashtahuanpish Apunchic Jesuspaclla causangapacmi. Shinallatac Apunchic Jesusca ñucanchic cuerpota Mandacmi.

1 CORINTIOS 9:2

Shuccuna “mana Jesús acllashca huillacchu cangui” nicucpipish, cancuna Apunchic Jesusta crishpa, paihuan shuc shinalla tucushcamantaca, cancunamanca Jesús acllashca huillactacmi cani.

2 CORINTIOS 4:18

Ñucanchicca cai pachapi ima ricunalla tiyashcacunapica mana yuyaita churanchicchu, ashtahuanpish mana ricushcacunapimi yuyaita churanchic. Chai imapish ricushcacunaca chingarinllami, ashtahuanpish chai mana ricushcacunami huiñaipac can.

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

FILIPENSES 2:13

Taita Diosllatacmi imapish paiman allita ruhuana yuyaitapish, allita munana yuyaitapish cancunaman cun.

COLOSENSES 1:29

Chashna ruhuangapacmi, llaquicunata apana cacpipish, Cristo imatapish ruhuaclla cashcahuan tucui yuyaihuan ruhuacunilla.

COLOSENSES 2:22

Tucui chai mandashcacunaca ubiacpi, micucpi tucurinallamantami huillan. Tucui chaicunaca gentecuna mandashpa yachachishcallami.

COLOSENSES 3:2

Ama cai pachapi ima tiyashcacunallapi shunguta churaichicchu, ashtahuanpish jahua pachapi imalla tiyashcapi yuyashpa causaichic.

1 TESALONICENSES 1:3

Cancuna tucui shunguhuan crishpa, Diosta c'uyashpa paipacta ruhuacushcamantapish, llaquita apacushpapish mana manchashpa, Apunchic Jesús cutimuna cashcata shuyacushcamantapish, ñucanchic Taita Diosman mañacushpaca, pagui nishpa yuyaricunchicllami.

2 TIMOTEO 2:19

Shina cacpipish Taita Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: “Taita Dios pai acllashcacunataca ricsinmi. Shinallatac Diosta criccunaca tucui millaimanta anchurinami can” nishcami.

HEBREOS 12:16

Pacta cancunapuramanta maijancunaca huaclliriccuna cashpa, Diospaclla canata mana munanguichicman. Chashna ruhuashpami, Esauca punta churi japina cashcataca plato micunallamanta c'aturca.

HEBREOS 4:11

Chai ñaupa mana cazuccuna shina shucllapish ama chashna tucungapacca, mana saquirishpami chai samarinaman yaicungapac ñucanchicca c'atirana canchic.

SANTIAGO 1:11

Sisaca inti llucshishpa, sinchita rupacyachishpa, q'uihuata chaquichicpica urmanllami. Chaipimi pai sumac cashcaca chingarin. Chai shinallatacmi chayucpish, paipac randina, c'atuna cashcata saquishpa chingaringalla.

1 PEDRO 1:24

Dios quillcachishcapica: “Tucui gentecunaca q'uihua shinallami. Paicuna ‘jatunmi cani’ nishcapish, sisashca q'uihua shinallami. Q'uihua chaquiricpica, sisaca urmanllami.

2 PEDRO 1:17

Taita Dios paipac Churita jatunyachishpa, sumaimanata ruhuactami ricurcanchic. Taita Diosca sumac achic nicucmantami: “Caimi ñuca c'uyashca Churica. Paillami ñucataca cushichin” nirca.