SAN JUAN 5:45 - Nuevo Testamento en Quichua Cañar 1996

⁴⁵ Ñucallatac ñuca Taitapac ñaupapi juchanchina cashcataca ama yuyanguichicchu. Cancunata ‘ñaupa taita Moisés alli ningallami’ nishpa shuyacucpipish, Moisesllatacmi cancuna mana allita ruhuashcataca juchanchinga.

Dios Rimashcata Quillcashcami

⁴⁵ Ñuca Taitapac ñaupapi, ñuca juchanchina cashcataca ama yuyanguichicchu. Ashtahuanpish cancuna shunguta churashpa, shuyacushca Moisesmi juchanchinga.

SAN JUAN 5:45 Iomraidhean Croise

SAN LUCAS 16:29

Chashna nicpi Abrahamca: ‘Moisés mandashcacunatapish, Diosmanta ñaupa huillaccuna quillcashcacunatapish charincunami. Chaicunata uyashpaca, cazungacunachari’ nirca.

SAN JUAN 12:48

Maijanpish ñucata p'iñashpa ñuca rimashcata mana cazucca, ñami llaqui pachaman cachacta charin. Ñuca rimashca rimaicunallatacmi, tucuri punzhapica llaqui pachaman cachanga.

SAN JUAN 7:19

Moisesmi cancunamanca mandashcacunataca curca. Shina cacpipish cancunapurapica shucllapish mana cazunguichicchu. ¿Ima nishpatac ñucataca huañuchishun ninguichic?— nirca.

SAN JUAN 8:9

Chaita uyashpaca, shucllancaman shucllancamanmi, yuyaccunamanta pacha callarishpa llucshishpa rircacunalla. Shina chai huarmita apamuc runacuna tucui ricpica, huarmillami Jesushuanca saquirirca.

ROMANOS 2:12

Moisés mandashcacunata mana yachashpa juchata ruhuaccunaca, chai mandashcacunata mana yachashpapish, huiñaitami chingaringacuna. Ashtahuanpish mandashcacunata yachashca jahua juchata ruhuaccunaca, mandashcapi nishca shinallatacmi taripashca canga.

GÁLATAS 3:10

Dios quillcachishcapica: “Mandashcacunata mana tucui allita pactachictaca, llaquichingapac ch'icanyachishcami canga” ninmi. Chaimantami maijanpish Moisés mandashcacunata pactachishpalla Taita Dioshuan alli tucusha nictaca, llaquichingapac ch'icanyachishca canga.