SAN JUAN 5:42 - Nuevo Testamento en Quichua Cañar 1996

⁴² Cancuna ima shina causactapish, Taita Diosta manatac c'uyac cashcatapish yachanimi.

Dios Rimashcata Quillcashcami

⁴² Ñucaca cancuna Diosta mana cuyac cashcatami yachani.

SAN JUAN 5:42 Iomraidhean Croise

SAN LUCAS 16:15

Shina asicpimi, Jesusca: “Cancunami gentecunapac ñaupapica, allicuna layalla ricuringuichic. Chashna cacpipish, Taita Diosca cancunapac shungu imata yuyacushcataca yachanmi. Cai pachapi gentecunalla alli nishcacunaca, Taita Diospac ñaupapica millana shinami can.

SAN JUAN 2:25

Jesusca paicuna ima laya cashcata pi mana huillacpipish, ña paicunapac shungu imata yuyacushcataca yacharcami.

SAN JUAN 21:17

Ña quimsa cutinhuan Jesús tapushpaca: —Juanpac churi Simón, ¿ñucataca c'uyanguitacchu?— nirca. Ña chaihuanca quimsa cutin tapushcamantami, Pedroca llaquilla tucushpaca: —Apunchic Jesús, canllatacmi tucuita yachangui. Shina cashpaca, canllatac ñuca canta c'uyac cashcataca yachanguimi— nirca. Shina nicpimi Jesusca: —Shinashpaca, ñuca ovejacunata cuidangui.

SAN JUAN 5:41

Gentecunalla ñucata alli nichunca mana munanichu.

SAN JUAN 5:43

Ñuca Taita cachashca shamucpipish, mana chasquinguichicchu, ashtahuanpish shuc runa pai quiquinllamanta huillashpa shamucpica chasquinguichicmanmi.

SAN JUAN 5:44

Cancunaca caishuc chaishuc alli ninacunallatami munanguichic, ashtahuanpish shuclla Taita Diospac alli nishca canataca mana munanguichicchu. Shina cashpaca, ¿ima shinatac ñucataca cringuichicyari?

SAN JUAN 8:42

Shina nicpimi, Jesusca cashna nirca: —Taita Dios cancunapac taita cacpica, c'uyanguichicmanmi. Ñucaca Diosmanta shamushpami caipi cani. Mana ñuca munaimantachu shamurcani, ashtahuanpish Taita Diosmi cacharca.

SAN JUAN 8:47

Maijanpish Diospac cashpaca, pai rimashcatami uyasha nin, ashtahuanpish cancunaca mana Diospac cashpami, pai rimashcataca mana uyashun ninguichic— nirca.

SAN JUAN 8:55

Cancunaca paitaca mana ricsinguichicchu. Shina cacpipish ñucaca ricsinimi. ‘Ñuca mana ricsinichu’ nishpaca, cancuna shinallatac llullacmi caiman. Ñucaca ricsinitacmi. Chaimantami pai ima nishcataca cazuni.

ROMANOS 8:7

Maijanpish cai pacha jucha munashcata ruhuashpa causaccunaca Taita Diostaca p'iñanmi. Paicunaca Dios mandashcacunataca uyanatapish, cazunatapish mana pudincunachu.

1 JUAN 2:15

Cai pachatapish, cai pachapi ima tiyashcacunatapish ama c'uyaichicchu. Maijanpish cai pachapaclla caccunata c'uyacca, Taita Diostaca mana c'uyanchu.

1 JUAN 3:17

Shina cacpica cai pachapi imalla tiyashcacunata charishpapish, shuc cric ima illaclla cashcata ricushpa mana llaquicca, ¿ima shinatac Diospac c'uyaitaca paipac shungupica charingayari?

1 JUAN 4:20

Maijanpish “Diosta c'uyanimi” nishpapish, shuc cricta p'iñacca llullacmari. Paica ñahuihuan ricushca cricta mana c'uyashpaca, ¿ima shinatac mana ricushca Diostaca c'uyangayari?

APOCALIPSIS 2:23

Shinallatac paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcataca yachac chayangacuna. Cancuna imata ruhuacushcata c'atishpami, japina cashcataca cusha.