SAN JUAN 5:34 - Nuevo Testamento en Quichua Cañar 1996

³⁴ Mana gentecuna huillashca alli cashcallamantachu Juan huillashcata nini, ashtahuanpish cancuna quishpirichunmi, pai huillashcataca huillani.

Dios Rimashcata Quillcashcami

³⁴ Mana gentecuna huillashcatachu huillani, ashtahuanpish cancuna quishpirichunmi, pai huillashcata huillani.

SAN JUAN 5:34 Iomraidhean Croise

SAN LUCAS 13:34

¡Aij, Jerusalenpi causaccunalla! Cancunaca Diosmanta ñaupa huillaccunataca huañuchiccunami canguichic. Diosmanta huillachun cachashcacunatapish rumicunahuan shitaccunami canguichic. Cancunataca tauca cutinmi mama huallpa huahuacunata c'ayashpa ucllac shina, tandachisha nircani. Chashna tandachisha nicucpipish, cancunaca mana uyarcanguichicchu.

SAN LUCAS 19:10

Runa Tucungapac shamushca*f** ñucaca, juchapi chingarishcacunata mashcashpa, quishpichingapacmi shamurcani— nirca.

SAN LUCAS 24:47

Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

SAN JUAN 5:32

Ashtahuanpish ñucamanta huillacca, shucmi. Chai huillacca ñuca ima shina cashcatatac huillacmi.

SAN JUAN 5:41

Gentecunalla ñucata alli nichunca mana munanichu.

SAN JUAN 8:54

Shina nicpimi, Jesusca cashna nirca: —Ñucallatac ‘allimi cani’ nirishpaca, imapish mana canmanchu. Ñucata alli nicca ñuca Taitami. Paillatatacmi cancunaca ‘ñucanchic Dios’ ninguichic.

ROMANOS 10:1

C'uyashca criccuna, tucui shunguhuanmi israelcuna quishpirichun munani. Chaimantami Taita Diosmanca mañacuni.

ROMANOS 10:21

Diosmanta israelcunaman Isaías cutin rimashpaca: “Ñucata mana cazuc, p'iñac gentecunataca tucui punzhacunami c'ayacurcanilla” ninmi.

ROMANOS 12:21

Millai mishachunca ama saquichu. Chaipac randica allita ruhuashpa millaita mishai.

ROMANOS 3:3

Shina cacpica, paicunapuramanta maijancuna mana cazushpaca, ¿imashi tucunga? Paicuna chashna mana cazushcamantaca Diosca pai nishcataca, ¿manachu pactachinga?

1 CORINTIOS 9:22

Manarac sinchi criccunahuan cashpaca, paicuna quishpirichunmi paicuna shina tucuni. Chashna tucui laya tucushpaca, maijancunallapish quishpirichunmi imapish tucuni.

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuacushpaca canpish quishpiringuimi, shinallatac can huillashcata uyaccunapish quishpiringacunami.

1 JUAN 5:9

Gentecuna huillashcatapish crinchicmi. Shina cacpipish paipac Churimanta Taita Diosllatac huillashcatami, tucuimanta yallica crina canchic.