SAN JUAN 4:6 - Nuevo Testamento en Quichua Cañar 1996

⁶ Chaipimi ñaupa taita Jacobopac yacu junduca tiyarca. Ña chaupi punzha shina cacpimi, Jesusca shaicushca cashpa, yacu jundu cuchullapi samaringapac tiyarirca.

Dios Rimashcata Quillcashcami

⁶ Chaipimi Jacobopac yacu junduca tiyarca. Chaupi punzha shina cacpimi, Jesusca shaicushpa, yacu jundu cuchupi tiyarirca.

SAN JUAN 4:6 Iomraidhean Croise

SAN MATEO 27:45

Chaupi punzhamanta quimsa horas chishi tucungacamanmi, tucui cai pachaca amsayarca.

SAN MATEO 4:2

Chaipi chuscu chunga punzhata, chuscu chunga tutata mana micushca cashpami, Jesusca yarcachirca.

SAN MATEO 8:24

Chashna ña chaupi yacuta ricucpimi, ima mundo huaira jatarishpa, yacuta cuyuchicpi canoaca ucuyagrirca. Chashna tucucucpipish, Jesusca suiñucurcami.

SAN LUCAS 2:7

Pozana huasi mana pactashcamantami, paipac punta c'ari huahuataca huagracuna shayana ucullapi sajuarirca. Chai huahuataca maitushpa, ucsha jahuallapimi sirichirca.

SAN LUCAS 9:58

Chashna nicpi Jesusca: —Atuccunapish suiñuna jutcucunataca charinmi. Shinallatac zhutacunapish maipi suiñuna c'uzhacunataca charinmi. Ashtahuanpish Runa Tucungapac shamushca*f** ñucaca, maipi umata samachinallatapish mana charinichu— nirca.

SAN JUAN 11:9

Shina nicpi Jesusca: —¿Manachu punzhaca chunga ishcai pachata charin? Maijanpish punzhapi puricca, cai pachata achicyachic luzta ricushcamantaca mana mitcarinchu.

SAN JUAN 4:12

Cai yacu jundutaca ñucanchic ñaupa taita Jacobomi saquirca. Caillamantatacmi paipish, paipac huahuacunapish ubiaccuna carca. Shinallatac animalcunamanpish, caillamantatacmi ubiachiccuna carca. ¿Canca taita Jacobotapish atishpachari, ashtahuan yalli canguiyari?— nirca.

SAN JUAN 4:5

Chashna ricushpaca, Samaria llactapi tiyac, Sicar pueblomanmi chayarca. Chai puebloca ñaupa taita Jacobo paipac churi Joseman cushca allpa cuchullapimi carca.

SAN JUAN 4:7

Chai pachaca paipac yachacuccunaca micunatami randingapac puebloman rishca carca. Jesús chaipi tiyacucpimi, Samaria llactamanta huarmica yacuta apangapac chayarca. Chaipimi Jesusca: —Ashalla yacuta carai— nirca.

2 CORINTIOS 8:9

Ñucanchic Apunchic Jesucristo mai c'uyac cashcataca, cancunaca ña yachanguichicmi. Paica achcata charic cashpapish, cancunamantami imata mana charic huaccha tucurca. Chai shina huaccha tucushcamantami, cancunaca achcata chariccuna shina tucunguichic.

HEBREOS 2:17

Chai shina ayudangapacmi, paipac huauquicuna shina tucuna carca. Chai shina tucushpaca, tucui gentecunapac juchacunata anchuchingapacmi, allita pactachic, tucuita llaquic, Diospacta ruhuac curacunata jatun mandac cura tucurca.

HEBREOS 4:15

Paica ñucanchicmanta Diospacta ruhuac curacunata jatun mandac cura cashpami, ñucanchic mana c'atinata pudicucpipish llaquin. Paitapish ñucanchicta shinallatacmi, mana alli yuyaicunaca pandachisha nirca. Shina cacpipish jaicapi mana juchallircachu.