SAN JUAN 4:38 - Nuevo Testamento en Quichua Cañar 1996

³⁸ Ñucaca cancunataca mana cancuna trabajashca chagrapi granota tandachunmi cachani. Shuccunami llaquita apashpa trabajarcacuna. Shina cacpipish cancunami chai trabajashcamantaca japiccuna canguichic— nirca.

Dios Rimashcata Quillcashcami

³⁸ Ñucaca, mana cancuna trabajashca chagrata cosechachunmi cachani. Shuccunami llaquita apashpa trabajarca. Shina cacpipish, cancunami chai trabajashcamantaca japinguichic— nirca.

SAN JUAN 4:38 Iomraidhean Croise

SAN MATEO 4:23

Tucui Galilea llactapi tiyac israelcuna*f** tandanacuna huasicunapimi, Jesusca yachachishpa puricurca. Taita Dios mandacucmanta alli huillaitami huillarca, shinallatac tucui laya ung:uihuan, nanaihuan cac gentecunatapish alliyachircami.

SAN JUAN 1:7

Pai Achicyachicmanta huillashpaca, tucui gentecuna crichunmi chashnaca huillarca.

SAN JUAN 17:18

Ima shinami ñucata cai pachapi causaccunaman huillachun cacharcangui, chashnallatacmi ñucapish paicunataca cai pachapi causaccunaman huillachun cachacuni.

SAN JUAN 4:37

Gentecuna nishca shinaca shucca tarpun, shucca granota tandacmi. Chaica chashnatacmi.

SAN JUAN 4:39

Chai huarmi “ñuca imata ruhuashpa causacushcatami huillan” nishcata uyashpami, Samaria llactapi tiyac pueblopi causac gentecunaca: “Jesusca Quishpichicmi” nishpa crircacuna.

HECHOS 2:41

Chaipi caccunamantaca taucacunami Pedro huillashcata cazushpaca bautizarircacuna. Chai punzhapica, quimsa huaranga shinami cric tucushpa, caishuc criccunahuan tandanacurcacuna.

HECHOS 4:32

Criccunaca achca cashpapish, tucuimi shuc shungulla, shuc yuyailla carcacuna. Pi “caica ñucapacmi, chaica cambacmi” mana ninacucchu carca. Chaimantami ima charishcacunapish tucuipac carca.

HECHOS 4:4

Chashna ruhuacpipish, paicuna huillashcata uyashpa criccunaca c'aricunallami pichca huaranga shina carca.

HECHOS 5:14

C'aricunapish, huarmicunapish Apunchic Jesusta crishpa, ashtahuanmi achca criccuna tucushpa c'atircacuna.

HECHOS 6:7

Jerusalenpica Diosmanta alli huillaita ashtahuan huillacpimi, achca gentecuna Jesusta crishpaca, achca criccuna tucurcacuna. Shinallatac Israel*f** curacunapish, achcacunami Jesusta crishpa cazurcacuna.

2 CORINTIOS 10:15

Ñucanchicta Taita Dios maicaman ruhuachun nishcamanta, yallita ruhuashpa shuccuna ruhuashcamanta mana jatun tucunchicchu. Chaipac randica Dios maicaman ruhuachun nishcata ruhuashpaca, cancunapurapi alli crishpa sinchiyashpa c'atichunmi, ashtahuan trabajanata munanchic.