SAN JUAN 4:11 - Nuevo Testamento en Quichua Cañar 1996

¹¹ Shina nicpi, chai huarmica cashnami nirca: —Amito, yacu jundupish ucumi. Imahuan huishinallatapish, mana charinguica. Shina cashpaca, ¿ima shinatac causaita cuc yacutaca cunguiyari?

Dios Rimashcata Quillcashcami

¹¹ Shina nicpimi, chai huarmica: —Amito, yacu jundupish ucumi. Imahuan llucchinatapish mana charinguichu. ¿Ima shinatac causaita cuc yacutaca cunguiyari?

SAN JUAN 4:11 Iomraidhean Croise

SAN JUAN 3:4

Shina nicpi Nicodemoca: —¿Ima shinatac shuc yuyac runaca cutin huacharingayari? ¿Maitatac cutin mamapac huicsapica yaicungayari?— nirca.

SAN JUAN 4:14

Ashtahuanpish ñuca cusha nishca yacuta maijanpish ubiacca, jaicapi mana yacunachingachu. Ñuca cusha nishca yacuca paipica huiñai causaita cuc, tucyacuc yacu shinami tiyanga— nirca.

SAN JUAN 7:37

Carpa huasipi Diosman mañana punzhacuna ña tucurimucucpica, tucuita yalli jatun punzhami carca. Chai punzhapimi Jesusca jatarishpa sinchita rimashpaca: —Maijanpish yacunachicca ñucapacman shamushpa, yacuta ubiaichic.

HECHOS 10:14

Shina nicpi Pedroca: —Mana, Apunchic Jesús. Israelcuna*f** millashpa, mana micuna cashcataca, jaicapi mana micushcanichu— nirca.

1 CORINTIOS 2:14

Diospac Espiritumanta yachanata mana munacca, pai cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

APOCALIPSIS 21:6

Chai q'uipaca ñucaman cashnami nirca: —¡Ñami tucui pactachishca! Ñucami callari A shina, tucuri Z shina tucuita callarichicpish, tucuchicpish cani. Maijanpish yacunayaita charicmanca, huiñai causaita cuc tucyacuc yacutami yanga ubiachisha.

APOCALIPSIS 22:1

Chai q'uipaca chai angelmi causaita cuc, cristalman riccha callpacuc yacuta ricuchirca. Chai yacuca Taita Diospacpish, Pactalla Ovejapacpish*f** tiyarinamantami llucshicun.

APOCALIPSIS 22:17

Diospac Espiritupish, Pactalla Ovejapac*f** huarmipish Jesustaca “shamui” ninmi. Shinallatac maijan caita uyacpish “shamui” nichun. Maijanpish yacunaihuan cashpa shamusha nicca shamushpa, causaita cuc yacuta mana imata cushpa ubiachunlla.

APOCALIPSIS 7:17

Ashtahuanpish chai mandashpa tiyarinapac chaupipi cac Pactalla Ovejallatacmi michinga. Paillatacmi huiñai causaita cuc yacumanpish pushanga. Shinallatac tucui huiquicunatapish Taita Diosmi paicunapac ñahuicunamanta p'ichanga— nirca.