SAN JUAN 3:36 - Nuevo Testamento en Quichua Cañar 1996

³⁶ Maijanpish paita cricca huiñai causaita charinmi. Maijanpish paita mana cricca mana huiñai causaita charinchu, ashtahuanpish paitaca Taita Diosca p'iñacungallami.

Dios Rimashcata Quillcashcami

³⁶ Maijanpish paita cricca huiñai causaitami charin. Maijanpish paita mana cricca mana huiñai causaita charinchu, ashtahuanpish paitaca Diosca piñacungallami.

SAN JUAN 3:36 Iomraidhean Croise

SAN MATEO 25:46

Chashnacunaca, huiñaita jatun llaquimanmi shitashca canga. Ashtahuanpish cashcata ruhuaccunaca, huiñai causaitami japinga— nirca.

MARCOS 16:16

Maijanpish cai alli huillaita crishpa bautizarictaca, quishpichishcami canga. Ashtahuanpish cai alli huillaita mana crictaca, huiñaitami llaquiman cachashca canga.

SAN LUCAS 2:30

Can cachashca Quishpichictaca, ñuca ñahuihuantacmi ña ricushcani.

SAN LUCAS 3:6

Tucui gentecunami Taita Dios ima shina quishpichicuctaca ricungacuna’ ” nishcami.

SAN JUAN 1:12

Shina mana chasquicpipish, maijanlla paita crishpa chasquiccunataca, Diospac huahuacuna tucuchunmi chasquin.

SAN JUAN 10:28

Ñucaca huiñai causaitami paicunamanca cuni. Paicunaca mana chingaringachu, shinallatac pipish ñuca maquimantaca mana quichungachu.

SAN JUAN 3:3

Shina nicpi Jesusca: —Maijanpish mana cutin huacharicca, Taita Dios mandacuctaca mana ricungachu. Chaica chashnatacmi canga— nirca.

SAN JUAN 4:36

Granota tandacca, japina cashcata charinmi. Shinallatac chai tandashca granoca huiñai causaipacmi. Chaimantami granota tandacca tarpuc-huan ishcai tucushpa cushicunga.

SAN JUAN 5:24

Maijanpish ñuca nishcata uyashpa ñucata cachac Taitatapish cricca, huiñai causaita charinmi. Paica huañushcamanta causaiman chimbashca cashcamantami, llaqui pachamanca mana cachashca canga. Chaica chashnatacmi can.

SAN JUAN 6:58

Ñucaca jahua pachamanta shamushca tandamantami rimacuni. Cai tandaca mana cancunapac ñaupa taitacuna micushca maná shuti tanda shinallachu. Paicunaca chai tandata micushpapish huañurcacunami. Maijanpish cai tandata micucca, huiñai causaitami charinga— nirca.

SAN JUAN 8:51

Maijanpish ñuca nishcata cazucca mana huañungachu. Chaica chashnatacmi canga— nirca.

HECHOS 14:2

Ashtahuanpish Jesusta mana cric israelcunaca criccunahuan ama apanacuchunmi, mana israelcunaman panda yuyaita curcacuna.

ROMANOS 4:15

Mandashcacunata yachashpa mana pactachicpica, Diosca llaquichingami. Mandashcacunata mana yachashpa mana pactachicpica, mana juchanchishcachu canga.

ROMANOS 5:9

Cunanca Apunchic Jesucristo huañushcamantami, Taita Diosca paihuan alli tucuchun ñucanchictaca chasquishca. Chashna cashcamanta Dios p'iñarishpa, llaquichina cashcamantaca Cristollatac ñucanchictaca quishpichingallami.

ROMANOS 8:1

Chashna cashcamanta cunanca maijanpish Jesucristohuan shuc shinalla caccunamanca, ña mana jatun llaquica tiyangachu.

GÁLATAS 3:10

Dios quillcachishcapica: “Mandashcacunata mana tucui allita pactachictaca, llaquichingapac ch'icanyachishcami canga” ninmi. Chaimantami maijanpish Moisés mandashcacunata pactachishpalla Taita Dioshuan alli tucusha nictaca, llaquichingapac ch'icanyachishca canga.

EFESIOS 5:6

Chashna mana allita ruhuashcamantami Taita Dios p'iñarishpa, tucui paita mana cazuccunataca llaquichinga. Chaimanta yanga parlocunahuanca pipish cancunata ama pandachichun.

1 TESALONICENSES 1:10

Shinallatac huañushcacunapuramanta Taita Dios causachishca, paipac Churi Jesucristo jahua pachamanta cutin shamunata shuyacushcatapish parlancunami. Taita Dios p'iñarishpa, shamuc punzhapi llaquichinamanta quishpichicca Jesucristomi.

1 TESALONICENSES 5:9

Ñucanchictaca Taita Diosca p'iñarishpa, llaquichingapacca mana acllarcachu. Chaipac randica, ñucanchic Apunchic Jesusmanta quishpirichunmi acllarca.

HEBREOS 10:29

Ashtahuanpish Diospac Churita saruc shinacunata, paipac jichashca yahuarta yangapi churashpa, Diospac c'uyac Espirituta c'amishpa rimaccunataca, chaita yallimi llaquichishca canga. Chai yahuarmi mushuc ari ninacuitaca pactachin. Shinallatac chai yahuarllatacmi juchata p'ichan.

HEBREOS 2:3

Shina cacpica cai sumac quishpirinamanta huillashcata yangapi churashpaca, ¿ima shinatac jatun llaquimanta quishpirishunyari? Cai quishpirinataca Apunchic Jesusmi punta huillarca. Chaimantami pai huillashcata uyaccunaca chashnatac cashcata yachashpa, ñucanchicman huillarca.

HEBREOS 3:18

Shinallatac Taita Diosca, ¿picunatatac “ñucahuan samaringapacca, manatac yaicungacunachu” nirca? Chai mana cazuccunatami chashna nirca.

HEBREOS 3:19

Shina cacpica, paicuna mana crishcamantami, chai samarinamanca mana yaicui pudishcata yachanchic.

APOCALIPSIS 21:8

Ashtahuanpish manchaccunaca, mana criccunaca, yalli millaicunaca, huañuchiccunaca, huaclliriccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapi shitashcami canga. Chaica q'uipa huañuimi canga— nirca.