SAN JUAN 2:6 - Nuevo Testamento en Quichua Cañar 1996

⁶ Chaipica, rumimanta ruhuashca sucta tinajacunami tiyarca. Chai tinajacunaca, israelcuna*f** Taita Diospac ñaupapi alli ricuringapac armarina yacuta churanami carca. Chai tinajacunaca ishcai puñu yalli yacutami apac carca.

Dios Rimashcata Quillcashcami

⁶ Chaipica, israelcuna yacuta jundachishpa chuyayana sucta rumi tinajacunami tiyarca. Chai tinajacunaca ishcai puñu yalli yacutami apac carca.

SAN JUAN 2:6 Iomraidhean Croise

SAN LUCAS 16:6

Shina nicpi: ‘Pasac barril aceitetami debini’ nirca. Shina nicpi chai mayordomoca: ‘Caipimi can mashna mañashcata quillcashca recibo. Ña tiyari. Cunanca pichca chungallata mañashcata churai’ nirca.

SAN JUAN 2:7

Jesusca chai tinajacunapimi, yacuta jundachichun chai serviccunataca mandarca. Chashna mandacpica, paicunaca tinaja shimicamanmi jundachircacuna.

SAN JUAN 3:25

Chaipimi Juanta c'aticcunapuramanta maijancunaca, Israelmanta*f** shuc runahuan Diospac ñaupapi alli ricuringapac armarina*f** jahua rimanacurcacuna.

EFESIOS 5:26

Cristoca tandanacushca criccunataca yacuhuanpish, pai rimashca shimihuanpish chuyayachishcami. Diospaclla tucushpa causachunmi, paicunamanta Cristoca huañurca.

HEBREOS 10:22

Chaimantami mana caita chaita yuyashpa, tucui shunguhuan crishpa, ñucanchic shungupi millai yuyaicuna tiyashcatapish anchuchishca, shinallatac chuya yacuhuan chuyayachishca, Taita Diosman cuchuyana canchic.

HEBREOS 6:2

Bautizarinamantapish, criccunapac uma jahuapi maquita churanamantapish, huañushcacuna causarinamantapish, huiñaita jatun llaquiman cachanamantapish ama cutinllatac yachacushunchic.

HEBREOS 9:10

Shina cacpica micunapish, ubianapish, Diospac ñaupapi alli ricuringapac maillarinapish, jahualla imata ruhuana cashcata ricuchicllami. Chaicunaca Dios shuc layata ruhuangacamanllami alli carca.

HEBREOS 9:19

Moisesmi tucui israelcunaman*f** Dios mandashcataca huillarca. Chai q'uipaca puca millmatapish, hisopo ramatapish, bizicunapac yahuarhuan, chivocunapac yahuarhuan, yacuhuanpish chapushpami, jucuchishpa Taita Dios mandashca quillcapi, tucui israelcunapac jahuapipish chiraparca.