SAN JUAN 19:6 - Nuevo Testamento en Quichua Cañar 1996

⁶ Chashna llucshimucta ricushpami, curacunata mandac curacunapish, Diosman mañana huasita cuidaccunapish: —¡Paitaca chacatailla, chacatailla!— nishpa, capari callarircacuna. Shina caparicpimi Pilatoca: —Shinashpaca, cancunallatac apashpa chacatagrichic. Ñucaca ima mana allitaca paipica mana tarinichu— nirca.

Dios Rimashcata Quillcashcami

⁶ Chaita curacunata mandac curacunapish, Diosta mañana huasita cuidaccunapish ricushpaca: —¡Paitaca chacatailla, chacatailla!— nishpami caparircacuna. Shina caparicpimi Pilatoca: —Ñucaca paipica ima juchata mana tarinichu. Cancunallatac apashpa chacatagrichic— nirca.

SAN JUAN 19:6 Iomraidhean Croise

SAN MATEO 26:58

Pedroca caru carullatami chai huasi pungu pambacaman c'atishpa rirca. Chashna rishpaca, Diosman mañana huasita cuidaccunahuanmi Jesusta ima ruhuacta ricungapac canzhallapi saquirirca.

SAN MATEO 27:22

Chaita uyashpa Pilatoca: —Shinashpaca, Quishpichic Cristo nishca Jesustaca, ¿imatatac ruhuachun ninguichic?— nicpi paicunaca: —¡Paitaca chacatailla!— nishpami, huaicashpa caparircacuna.

SAN MATEO 27:24

Tucui gentecuna mana uyashun nishpa, ashtahuan caparinacui callaricpimi, Pilatoca yacuta apac cachashpa, maquita jahuashpa: —Cai runa huañushcaca cancuna jahuami canga, ashtahuanpish mana ñuca jahuaca— nirca.

SAN LUCAS 23:4

Shina nicpi Pilatoca curacunata mandac curacunatapish, chaipi cac tucui gentecunatapish: —Cai runapica, imapish mana alli ruhuashcataca mana tarinichu— nirca.

SAN JUAN 18:3

Shina cashcamantami Judasca achca soldadocunahuan, curacunata mandac curacunahuan, shinallatac fariseocuna*f** cachashca Diosman mañana huasita cuidaccunahuanpish chaiman chayarcacuna. Chai riccunaca macanacungapac macanacunahuan, michacunahuan, shinallatac linternacunahuanpish chayarcacuna.

SAN JUAN 18:31

Chaimanta Pilatoca: —Cancunata mandashcapi nishca shina, imatapish tapushpa, llaquichingapac apaichic— nirca. Shina nicpi, mandac israelcunaca: —Ñucanchicca mana pita huañuchinallachu canchic— nircacuna.

SAN JUAN 18:38

Chaita uyashpa Pilatoca: —¿Imatac chai cashcata cazunaca?— nishpa tapurca. Shina nishpami, Pilatoca cutin llucshishpa israelcunamanca:*f** —Ñucaca ima mana allitaca mana cai runapica tarinichu.

SAN JUAN 19:15

Shina nicpipish paicunaca: —¡Chacatashpa huañuchilla!— nishpami, cutin cutin caparircacuna. Shina caparicpi Pilatoca: —¿Cancunata Jatun Mandactachu chacatachun ninguichic, imatacyari?— nishpa tapurca. Shina nicpi, curacunata mandac curacunaca: —Ñucanchicca jatun mandac Cesarllatami charinchic. Shuctac mandactaca mana charinchicchu— nircacuna.

SAN JUAN 19:4

Chaimanta Pilato cutin llucshishpaca: —Riquichic. Ima juchayucta mana tarishcata cancuna ricuchunmi, cashna apamuni— nirca.

HECHOS 2:23

Chashna cashpapish Taita Dios ñaupaman yachashca, munashca shinallatacmi, Jesustaca cancunaman cucpi, prezu japishpa, millai runacunaman chacatachun cushpa huañuchircanguichic.

HECHOS 7:52

Cancunapac ñaupa taitacunaca, Diosmanta ñaupa huillaccunata tucui mashnatami mana ricushun nishpa llaquichircacuna. Paicunami: ‘Jucha illac, imatapish cashcata ruhuacca shamungami’ nishpa huillaccunataca huañuchircacuna. Shinallatacmi cancunaca pai jucha illac ña shamucpica, millai runacunaman cushpa huañuchircanguichic.