SAN JUAN 19:34 - Nuevo Testamento en Quichua Cañar 1996

³⁴ Shina cashpapish shuc soldadoca lanzahuan tucsishpami, Jesuspac costillasta chugrichirca. Chashna chugrichincami, chai chugrimantaca yacupish, yahuarpish llucshirca.

Dios Rimashcata Quillcashcami

³⁴ Shina cashpapish, shuc soldadoca lanzahuanmi Jesuspac costillasta chugrichirca. Chai chugrimantaca yacupish, yahuarpish llucshircami.

SAN JUAN 19:34 Iomraidhean Croise

SAN MATEO 27:62

Allichirina punzha tucurishca q'uipa, cayandic samana punzhapimi curacunata mandac curacunapish, fariseocunapish*f** Pilatopacman rircacuna.

SAN JUAN 19:33

Ashtahuanpish Jesuspacman chayashpaca, ña huañushcapi tuparishpami, changacunata mana p'aquircacuna.

SAN JUAN 20:20

Chashna nishca q'uipami, paipac maquicunatapish, costillas quinraitapish ricuchirca. Chashna ricuchicpica, Apunchic Jesusta ricushpami cushicurcacuna.

HECHOS 22:16

Cunanca ama imata ashtahuan shuyashpa, jatarishpa bautizari. Cambac juchacunamanta Taita Dios chuyayachichunca, Apunchic Jesusman mañai’ nirca.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

1 CORINTIOS 6:11

Shinallatac ñaupamanca cancunapuramanta maijancunaca chashna ruhuaccunallatacmi carcanguichic. Ashtahuanpish cunanca Diospaclla cachun pai acllashpa, chuyayachishcacunami canguichic. Ñucanchic Taita Diospac Espiritumantapish, Apunchic Jesucristomantapish ñami paihuan alli tucuchun chasquishcacuna canguichic.

EFESIOS 5:26

Cristoca tandanacushca criccunataca yacuhuanpish, pai rimashca shimihuanpish chuyayachishcami. Diospaclla tucushpa causachunmi, paicunamanta Cristoca huañurca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

HEBREOS 9:13

Huagracunapac yahuarpish, chivocunapac yahuarpish, altarpi bizita rupachishca uchupapish millaita ruhuacpac jahuapi shiguacpica, jahuallata chuyayachishpa, Diospacllata ruhuanmi.

HEBREOS 9:22

Taita Dios ñaupaman quillcachishca shinaca, animalcunapac yahuarhuanmi juchacunata anchuchishca cana carca. Animalcunapac yahuarta jichashpallami, tucui imatapish chuyayachishca cana carca.

1 PEDRO 3:21

Shinallatac chai yacuca bautizarinatami ricuchicurca. Jesucristo huañushcacunapuramanta causarishcamantami, yacupi bautizarishpaca cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Taita Diosman mañana yuyaicunatami cun.

1 JUAN 5:6

Apunchic Jesucristo shamushcataca yacupish, yahuarpish ricuchinmi. Mana pai bautizarishca yacullachu ricuchin, ashtahuanpish pai huañushca yahuarpish ricuchinmi. Cashcata nic Diospac Espiritullatacmi caicunataca ricuchin.

1 JUAN 5:8

Diospac Espiritupish, yacupish, shinallatac yahuarpish chai quimsacunami shuc yuyailla cancuna.

APOCALIPSIS 1:5

Shinallatac cai pachapi tiyac jatun mandaccunata Mandac, huañushcacunapuramanta punta causaric Jesucristo cancunaman sumac causaita cuchunmi munani. Paica Diosmanta allita huillacmi. Jesucristoca c'uyac cashpami paipac yahuarta jichashpa, juchapi huatashca shina causacucpi ñucanchictaca cacharichirca.

APOCALIPSIS 7:14

Shina tapucpica: —Amito, canllatac yachanguimi— nircanimi. Shina nicpi paica cashnami nirca: —Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacsharishcamanta yuraclla tucushcacunami.