SAN JUAN 19:28 - Nuevo Testamento en Quichua Cañar 1996

²⁸ Chai q'uipami, Jesusca tucuita pactachishcata ña yachashpa, Dios quillcachishcapi nishca pactachun “yacunayanmi” nirca.

Dios Rimashcata Quillcashcami

²⁸ Chai quipami, Jesusca tucuita pactachishcata ña yachashpa, Dios quillcachishcapi nishca pactachun “yacunayanmi” nirca.

SAN JUAN 19:28 Iomraidhean Croise

SAN LUCAS 12:50

Bautizaric shina, llaquita apanaracmi cani. Chai pactangacamanca, mai llaquillami cani.

SAN LUCAS 18:31

Chai q'uipami, Jesusca paipac chunga ishcai yachacuccunallata c'ayashpa: —Cunanca Jerusalén pueblomanmi ricunchic. Chaipimi Runa Tucungapac shamushca*f** ñuca ima tucuna cashcata Diosmanta ñaupa huillaccuna quillcashcacunaca pactanga.

SAN LUCAS 22:37

Cancunaman ninimi: Taita Dios ñaupaman ñuca ima tucuna cashcata quillcachishpaca: ‘Millai runacunata shinami llaquichishca canga’ nishcaca, pactanatacmi can. Shinallatac ñucamanta Taita Dios tucui quillcachishcaca pactangami— nirca.

SAN LUCAS 9:31

Paicunaca sumaimana achiclla chaupipi, Jesús ima shina Jerusalenpi huañuna cashcatami parlanacurcacuna.

SAN JUAN 13:1

Pascua*f** punzhapac shuc punzha tiyacpiracmi, Jesusca cai pachata saquishpa paipac Taitahuan tandarigrina cashcataca yacharca. Cai pachapica paita c'aticcunataca yallitami Jesusca c'uyarca. Shina cashpami, tucuringacaman ima shina c'uyac cashcataca ricuchisha nirca.

SAN JUAN 17:4

Ñucaca cai pachapica canta sumacyachishcanimi, shinallatac imata ruhuachun nishcatapish ña tucuchishcanimi.

SAN JUAN 18:4

Jesusca ima tucuna cashcata ña yachashpami, llucshishpa tupashpaca: —¿Pitatac mashcacunguichic?— nishpa tapurca.

SAN JUAN 19:24

soldadocunaca: “Ama lliquishpa suerteta ruhuashunchic, maijanmanmi urman ricungapac” ninacurcacuna. Soldadocuna chashna ruhuacpica, Dios quillcachishcami pactarca. Chai quillcachishcapica: “Ñuca churanacunataca chaupinacushpa, ucu churanataca suertetami ruhuarca” ninmi.

SAN JUAN 19:30

Chai vinagreta Jesús ubiashpaca: “Ña tucuchishcami” nircami. Chashna nishpaca, umata huarcushpa, paipac espirituta Diosman mingashpaca huañurcallami.

SAN JUAN 19:36

Caicunaca Dios quillcachishcapi nishca pactachunmi, chashnaca tucurca. Chaipica: “Shuc tullullatapish paitaca mana p'aquingachu” ninmi.

SAN JUAN 4:34

Shina nicpi, Jesusca cashnami nirca: —Ñuca micuna shinaca ñucata cachac Taita Diospac munaita ruhuanami, shinallatac pai imata ruhuachun nishcata tucuchinami.

HECHOS 13:29

Jesusmanta Dios quillcachishcapi tucui nishcacunata pactachishca q'uipaca, chacatashcamanta uricuchishpami enterrarcacuna.