SAN JUAN 18:4 - Nuevo Testamento en Quichua Cañar 1996

⁴ Jesusca ima tucuna cashcata ña yachashpami, llucshishpa tupashpaca: —¿Pitatac mashcacunguichic?— nishpa tapurca.

Dios Rimashcata Quillcashcami

⁴ Jesusca, pai ima tucunata ña yachashpami paicunataca: —¿Pitatac mashcacunguichic?— nirca.

SAN JUAN 18:4 Iomraidhean Croise

SAN MATEO 16:21

Chashna nishca q'uipallatacmi, Jesusca paipac yachacuccunamanca cashna nishpa yachachi callarirca: —Jerusalén pueblomanmi rina cani. Chaipimi curacunata mandac curacunapish, cunac yuyaccunapish, mandashcacunata yachachiccunapish llaquichicpi, mai llaquita apashpa huañuna cani. Shina cashpapish quimsa punzhapica causarishallami— nirca.

SAN MATEO 26:2

—Caimanta ishcai punzha q'uipaca, pascua*f** punzha chayamugricushcataca cancunallatac yachanguichicmi. Chai punzhapimi, Runa Tucungapac shamushca*f** ñucataca, cruzpi chacatachun japichingacuna— nirca.

SAN MATEO 26:21

Chashna mizapi micushpa tiyacushpami Jesusca: —Cancunapuramanta shucmi, ñucataca huañuchiccunaman japichinga. Chaica chashnatacmi canga— nirca.

SAN MATEO 26:31

Chaiman chayashpami Jesusca: —Dios quillcachishcapica: ‘Michictaca huañuchishami. Ña huañuchicpica, ovejacunaca caita chaitami shiguaringacuna’ ninmi. Chashna nishca shinallatacmi, cunan tutallatac tucui cancunaca ñucata saquishpa caita chaita ringuichic.

SAN LUCAS 24:44

Ña micushca q'uipami, Jesusca paicunataca: —Ñuca manarac llaquita apashpami, ima tucuna cashcataca cancunaman huillacurcani. Moisés mandashcacunapipish, Diosmanta ñaupa huillaccuna quillcashcacunapipish, Salmocunapipish ñucamanta tucui imalla nishcacuna pactachunmi, chashnaca tucurca— nirca.

SAN JUAN 13:1

Pascua*f** punzhapac shuc punzha tiyacpiracmi, Jesusca cai pachata saquishpa paipac Taitahuan tandarigrina cashcataca yacharca. Cai pachapica paita c'aticcunataca yallitami Jesusca c'uyarca. Shina cashpami, tucuringacaman ima shina c'uyac cashcataca ricuchisha nirca.

SAN JUAN 13:11

“Mana tucuichu chuyanlla” nishpaca, maijan paita japichigricushcata yachashcamantami chashnaca nirca.

SAN JUAN 18:5

Shina nicpi paicunaca: —Nazaret pueblomanta Jesustami mashcacunchic— nircacuna. Shina nicpi Jesusca: —Ñucami cani— nirca. Japichic Judaspish chaipimi paicunahuan carca.

SAN JUAN 18:7

Jesusca cutinllatacmi: —¿Pitatac mashcacunguichic?— nishpa tapurca. Shina nicpi, paicunaca cutinllatacmi: —Nazaret pueblomanta Jesustami mashcacunchic— nircacuna.

SAN JUAN 19:28

Chai q'uipami, Jesusca tucuita pactachishcata ña yachashpa, Dios quillcachishcapi nishca pactachun “yacunayanmi” nirca.

SAN JUAN 6:64

Shina cacpipish cancunapuramanta maijancunaca mana cringuichicchu— nirca. Jesusca puntaman maijanlla paita mana crishcatapish, maijan japichigricushcatapish ña yachashpami, chashnaca nirca.

HECHOS 2:28

Huiñai causai ñantapish, canmi ñucamanca ricuchishcangui. Can ñucahuan cacpica, munaimi cushicuni’ nishcami.

1 PEDRO 4:1

Shina cashcamantaca, Cristo ima shinami ñucanchic juchacunamanta paipac cuerpopi llaquita aparca, chai shinallatac cancunapish llaquita apanalla caichic. Maijanpish cuerpopi llaquita apacca, jucha mandashca causanatami saquin.