SAN JUAN 18:32 - Nuevo Testamento en Quichua Cañar 1996

³² Chashnami, Jesús pai ima shina huañuna cashcata huillashcaca pactarca.

Dios Rimashcata Quillcashcami

³² Chashnami, Jesús pai ima shina huañunata huillashcaca pactarca.

SAN JUAN 18:32 Iomraidhean Croise

SAN MATEO 20:19

mana israelcunaman*f** cungacuna. Chaicunaca ñucata pucllashpa asingacunami. Shinallatac macashpa, cruzpi chacatashpami huañuchingacuna. Chashna ruhuacpipish, quimsa punzhapica causarishallami— nirca.

SAN MATEO 26:2

—Caimanta ishcai punzha q'uipaca, pascua*f** punzha chayamugricushcataca cancunallatac yachanguichicmi. Chai punzhapimi, Runa Tucungapac shamushca*f** ñucataca, cruzpi chacatachun japichingacuna— nirca.

MARCOS 10:33

—Cunanca Jerusalenman ricushcataca, cancunallatac yachanguichicmi. Chaipimi Runa Tucungapac shamushca*f** ñucataca, curacunata mandac curacunapacmanpish, mandashcacunata yachachiccunapacmanpish japishpa apangacuna. Paicunaca ñucataca ‘huañunami cangui’ nishpami, mana israelcunaman*f** cungacuna.

SAN JUAN 10:31

Shina nicpi, israelcunaca cutinllatacmi Jesusta rumicunahuan shitashun nishpa rumita japircacuna.

SAN JUAN 10:33

Shina nicpi israelcunaca: —Ñucanchicca mana can ima allicunata ruhuashcamantachu rumicunahuanca shitashun ninchic, ashtahuanpish can rimashcahuan Taita Diosta p'iñachishcamantami shitashun ninchic. Canca ñucanchic shina runallami cangui. Chashna cashpapish Dios shina tucusha nishpami, chashnaca nicungui— nircacuna.

SAN JUAN 13:18

Mana tucui cancunamantachu nicuni. Maijanlla ñuca acllashca cashcataca yachanimi. Dios quillcachishcapi nishcaca pactanatacmi can. Chaipica: ‘Ñucahuan micucucllatacmi ñucataca p'iñai callarirca’ ninmi.

SAN JUAN 18:31

Chaimanta Pilatoca: —Cancunata mandashcapi nishca shina, imatapish tapushpa, llaquichingapac apaichic— nirca. Shina nicpi, mandac israelcunaca: —Ñucanchicca mana pita huañuchinallachu canchic— nircacuna.

SAN JUAN 21:19

Jesús chashna nishpaca, Pedro ima shina huañunamanta, shinallatac huañushpa Taita Dios jatun cashcata ricuchinamantami entendichicurca. Chai q'uipaca: —Ñucata c'atilla— nircami.

SAN JUAN 3:14

Ima shinami Moisés shitashca pambapi broncemanta ruhuashca culebrata caspipi jahuaman huarcushpa ricuchirca, shinallatacmi Runa Tucungapac shamushca ñucapish, caspipi jahuaman huarcushca cana cani.

SAN JUAN 8:28

Chaimantami Jesusca cashna nirca: —Runa Tucungapac shamushca*f** ñucata cancuna jahuaman churashpami, ñuca pi cashcataca yachanguichic. Shinallatac ñuca munaimanta imatapish mana ruhuac cashcata, ashtahuanpish ñuca Taita yachachishcata nic cashcatapish yachanguichicmi.

HECHOS 7:59

Paicuna rumicunahuan shitacucpimi, Estebanca: “Apunchic Jesús, ñuca almata pushaiyari” nishpa mañarca.

GÁLATAS 3:13

Shina cacpimi Moisés mandashcacunata ñucanchic mana pactachishpa, llaquiman rinalla cacpipish, Cristoca ñucanchicpac randi cruzpi llaquita apashpa quishpichirca. Dios quillcachishcapica: “Maijanpish cruzpi chacatashca huañucca, Dios llaquichishcami huañun” ninmi.