SAN JUAN 18:28 - Nuevo Testamento en Quichua Cañar 1996

²⁸ Curacunata jatun mandac Caifaspac huasimantaca, Roma*f** llactata mandashpa tiyana huasimanmi Jesusta aparcacuna. Tutamanta ña pacarimugricucpimi, pascua*f** micuita micungapacca ama mapayashun nishpa, israelcunaca*f** jatun mandacpac ucumanca mana yaicurcacuna.

Dios Rimashcata Quillcashcami

²⁸ Curacunata mandac Caifaspac huasimantaca, Roma llactata mandashpa tiyana huasimanmi Jesusta aparcacuna. Ña tutamantami carca. Chaimantami Pascua micuita micungapacca ama mapayashun nishpa, israelcunaca jatun mandacpac ucuman mana yaicurca.

SAN JUAN 18:28 Iomraidhean Croise

SAN MATEO 27:27

Shina cucpimi, soldadocunaca Pilato mandashpa tiyana jatun ucuman Jesusta aparcacuna. Chaimanmi caishuc soldadocunataca, Jesuspac muyundicpi shayarichun c'ayarcacuna.

MARCOS 15:16

Chaimantaca Pilato mandashpa tiyana jatun huasi pungu pambamanmi soldadocunaca Jesusta chayachishpa, tucui soldadocunatapish chaiman tandachircacuna.

SAN LUCAS 22:66

Ña pacaricpimi, Israel*f** curacunata mandac curacunapish, cunac yuyaccunapish, mandashcacunata yachachiccunapish tandanacushpa, mandaccunapuralla tandanacushcapacman Jesustaca aparcacuna. Chaiman apacpica:

SAN JUAN 11:55

Israelcuna pascua*f** fiestata ruhuangapacca asha punzhacunallami tiyarca. Chai llactapi causac achca gentecunami Diospac ñaupapi alli ricuringapac nishpa, allichiringapac Jerusalenmanca manarac pascua*f** punzha chayamucpi shamurcacuna.

SAN JUAN 18:13

Chashna japishpaca, Anaspac huasimanmi puntaca aparcacuna. Anasca Caifaspac suedromi carca. Caifasca chai huatapica, curacunata jatun mandac curami carca.

SAN JUAN 18:15

Simón Pedropish, caishuc yachacucpish Jesustaca c'atishpami rirca. Chai Simón Pedrohuan ric yachacucca, curacunata jatun mandac curapac ricsishca cashcamantami, Jesushuan pactaca jatun mandac curapac huasi ucuman yaicurca.

SAN JUAN 18:33

Chaimantami Pilato pai mandashpa tiyana ucuman cutin yaicushpa, Jesusta c'ayashpaca: —¿Canchu israelcunata Jatun Mandacca cangui?— nishpa tapurca.

SAN JUAN 18:39

Shina cacpipish, cancunaca pascua*f** fiestapi shuc prezuta cacharichun ninatami yachanguichic. ¿Manachu israelcunata Jatun Mandacta cacharichun ninguichic?— nishpa tapurca.

SAN JUAN 19:11

Shina nicpi Jesusca: —Taita Dios imatapish ruhuana cashcata cucllapimi, ñucataca imatapish ruhuai pudingui. Shina cacpica, canman apamushpa cucmi, canta atishpa yalli juchayucca can— nirca.

SAN JUAN 19:14

Pascua*f** punzhapac allichirina punzha ña chaupiyamucucpimi Pilatoca: —Riquichic, caipimi cancunata Jatun Mandacca— nishpa, israelcunataca nirca.

SAN JUAN 19:9

mandashpa tiyana ucuman yaicushpa, cutin Jesusman tapushpaca: —¿Maimantatac cangui?— nirca. Shina tapucpipish, Jesusca imata mana nircachu.

HECHOS 10:28

Chaipimi Pedroca: —Israelcunaca mana israelcunahuanca*f** mana tandanacunalla cashcataca, cancunallatac yachanguichicmi. Paicunapac huasillamanpish mana chayarina cashcataca yachanguichicmi. Ashtahuanpish Taita Dios ñucaman ricuchishpaca: ‘Pitapish mana alli nishpaca, ama millanguichu’ nircami.

HECHOS 10:32

Cunanca Jope pueblopi cac, Pedro nishca Simonta pushamuchun cachai. Paica carata ñutuyachic Simonpac huasipimi. Chai huasica mama cucha patapimi. Pai shamushpami, can imata ruhuana cashcataca huillanga’ nirca.

HECHOS 11:3

Paicunaca: —¿Ima nishpatac canca chai manapish circuncisionta ruhuaccunapac huasiman rishpa, paicunahuan micurcangui?— nishpa rimarcacuna.

HECHOS 3:13

ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús sumac alli nishca cachun chashna alliyachirca. Cancunaca chai Jesustami mandaccunapacman aparcanguichic. Pilato paita cacharisha nicucpipish, cancunaca mana cacharichun saquircanguichicchu.

HECHOS 4:27

Chashna nishca shinallatacmi, cai pueblopica mandac Herodesca Poncio Pilatohuan, israelcunandic*f** mana israelcunandic tandanacurcacuna. Chashna tandanacushpaca, can quishpichichun cachashca, manapish juchayuc Jesusta p'iñashpami, shuc yuyailla tucurcacuna.