SAN JUAN 18:18 - Nuevo Testamento en Quichua Cañar 1996

¹⁸ Yalli chiri cashcamantami Diosman mañana huasita cuidaccunapish, serviccunapish ninata japichishpa masharishpa shayacurca. Pedropish chaillapitacmi paicunahuan masharicurca.

Dios Rimashcata Quillcashcami

¹⁸ Yalli chiri cashcamantami Diosta mañana huasita cuidaccunapish, serviccunapish ninata japichishpa masharicurca. Pedropish chaillapitacmi paicunahuan masharicurca.

SAN JUAN 18:18 Iomraidhean Croise

MARCOS 14:54

Pedroca caru carullatami c'atishpa, curacunata jatun mandac curapac huasi pungu pambacaman rirca. Chaiman yaicushpaca, Diosman mañana huasita cuidaccunahuanmi ninapi mashashpa tiyacurca.

MARCOS 14:67

Chai huarmimi Pedro ninapi mashashpa tiyacucta alli alli ricushpaca: —Canpish Nazaret pueblomanta Jesushuan puricmi carcangui— nirca.

SAN LUCAS 22:44

Jesús munai llaquihuan cashpami, ashtahuan Taita Diosman mañarca. Chashna mañacucpica, jumbipish yahuar shinami pambaman shuturca.

SAN JUAN 18:25

Chaicamanca Pedroca ninapi masharishpami shayacurca. Chaipimi paihuan caccunaca: —¿Manachu canpish chai runapac yachacuc cangui?— nishpa tapurca. Chashna tapucpica, cutinllatacmi Pedroca: —Ñucaca mana chaichu cani— nirca.

SAN JUAN 18:3

Shina cashcamantami Judasca achca soldadocunahuan, curacunata mandac curacunahuan, shinallatac fariseocuna*f** cachashca Diosman mañana huasita cuidaccunahuanpish chaiman chayarcacuna. Chai riccunaca macanacungapac macanacunahuan, michacunahuan, shinallatac linternacunahuanpish chayarcacuna.

SAN JUAN 21:9

Paicuna canoamanta uricushpaca, nina brazas jahuapi pescado cusaricuctapish, tanda chaipi tiyacuctapish ricurcacunami.

HECHOS 4:23

Mandaccuna paicunata ña cacharicpica, Pedroca Juandic caishuc criccunapacman shamushpaca, curacunata mandac curacunapish, cunac yuyaccunapish ima nishcataca paicunaman tucuimi parlarcacuna.

1 CORINTIOS 15:33

Pandachichunca ama saquinguichicchu. Maijancuna nishca shinaca: “Mana alli gentecunahuan tandarishpami, cancunapac alli causaitaca saquinguichic” ninmi.