SAN JUAN 17:25 - Nuevo Testamento en Quichua Cañar 1996

²⁵ Imatapish cashcata ruhuac Taitalla, cai pachapaclla causaccuna canta mana ricsicpipish, ñucaca ricsinimi. Shinallatac cai ñucapac caccunapish, can ñucata cachashca cashcata yachancunami.

Dios Rimashcata Quillcashcami

²⁵ Cashcata ruhuac Taitalla, cai pachapac causaccuna canta mana ricsicpipish, ñucaca ricsinimi. Can ñucaman cushcacunapish, can ñucata cachashcata yachanmi.

SAN JUAN 17:25 Iomraidhean Croise

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna.

SAN MATEO 16:16

Shina tapucpi Simón Pedroca: —Canca causac Diospac Churi, Quishpichic Cristomi cangui— nirca.

SAN LUCAS 10:22

Chashnallatacmi Jesusca: —Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna— nirca.

SAN JUAN 1:18

Taita Diostaca jaicapi pi mana ricushcachu. Shina cacpipish Taita Dioshuan shuc yuyailla causac, paipac shuclla Churi Diosllatac cashpami, Taita Dios ima shina cashcataca ricuchirca.

SAN JUAN 15:21

Ñucata Cachacta mana ricsishcamantami, ñucata c'aticushcamanta cancunataca llaquichingacuna.

SAN JUAN 16:27

ashtahuanpish ñuca Taitallatacmi cancunataca c'uyan. Cancuna ñucata c'uyashcamantapish, ñuca Diosmanta shamushca cashcata crishcamantapish cancunataca c'uyanmi.

SAN JUAN 16:3

Ñucatapish, ñuca Taitatapish mana ricsishcamantami chai shinaca ruhuangacuna.

SAN JUAN 16:30

Cunanmi can tucui imatapish yachac cashcataca yachanchic. Pipish manarac tapucpimi, canca yachangui. Chaimantami cantaca Diosmanta shamushca cashcata crinchic— nircacuna.

SAN JUAN 17:11

Ñucaca ña mana cai pachapi cagrinichu, cambacman shamugrinimi. Shina cacpipish, paicunaca cai pachapi saquirincunami. Jucha illac Taitalla, ñucapish canpish ima shinami shuclla canchic, shinallatac can ñucaman cushcacuna shuc shinalla cachun, can imatapish ruhuaclla cashcata ricuchishpa huacaichiyari.

SAN JUAN 17:18

Ima shinami ñucata cai pachapi causaccunaman huillachun cacharcangui, chashnallatacmi ñucapish paicunataca cai pachapi causaccunaman huillachun cachacuni.

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, shinallatac paicunapish ñucanchichuan shuc shinalla cachunmi mañani. Cai pachapi causaccuna ñucata can cachashca cashcata crichunmi, chashnaca mañani.

SAN JUAN 17:23

Ñucaca paicunahuan, canca ñucahuan cacpimi, paicunaca shuc shinalla canga. Shina cacpimi, cai pachapi causaccunaca can cachashcata, shinallatac ñucata ima shinami c'uyangui, chashnallatac paicunatapish c'uyac cashcata yachangacuna.

SAN JUAN 17:3

Cai huiñai causaica, shuclla Taita Dios can cashcata, shinallatac can cachashca Jesucristota ricsinami.

SAN JUAN 17:8

Can huillachun nishcata ñuca huillacpica, paicunaca chasquircacunami. Shinallatac Taita Diosmantatac ñuca shamushcata yachac chayashpami, can cachashcata crincuna.

SAN JUAN 3:17

Taita Diosca paipac Churitaca cai pachapi causaccunata llaqui pachaman cachachunca mana cacharcachu, ashtahuanpish cai pachapi causaccunata quishpichichunmi cacharca.

SAN JUAN 6:19

Ña shuc pichca huaranga metro shina caruta ricushpami, yachacuccunaca Jesús yacu jahuata purishpa, paicunapacman cuchuyacucta ricurcacuna. Chaita ricushpami, munai mancharircacuna.

SAN JUAN 7:29

Taita Dios cachashca, paimanta shamushca cashcamantami, paitaca ricsini— nirca.

SAN JUAN 8:19

Shina nicpi paicunaca: —¿Maipitac cambac taitaca?— nircacuna. Chaimanta Jesusca: —Cancunaca ñucatapish, ñuca Taitatapish mana ricsinguichicchu. Cancuna ñuca pi cashcata ricsishpaca, ñuca Taitatapish ricsinguichicmanmi— nirca.

SAN JUAN 8:55

Cancunaca paitaca mana ricsinguichicchu. Shina cacpipish ñucaca ricsinimi. ‘Ñuca mana ricsinichu’ nishpaca, cancuna shinallatac llullacmi caiman. Ñucaca ricsinitacmi. Chaimantami pai ima nishcataca cazuni.

HECHOS 17:23

Ñuca cai pueblopi puricushpaca, cancunapac dioscunata yuyarina huasicunatami ricurcani. Shinallatac pircashca shuc altarpica: ‘Mana Ricsishca Diosta yuyarinami’ nishpa quillcashcatami ricurcani. Chai Diostaca mana ricsishpapish, yuyariccunami cashcanguichic. Ñucaca chai Diosllamantatacmi cancunamanca huillacuni.

HECHOS 26:18

Canmi paicuna amsapi shina causacuccunataca, ñahuita pascac shina alli yuyaita cungui. Chashna ruhuacpimi, Satanás*f** mandacushcamanta anchurishpa, Taita Dios mandashca causangacuna. Ñucata cricpimi, Taita Dios paicunapac juchacunata perdonanga. Shinallatac Taita Dios paipaclla cachun acllashcacunaman cusha nishcatapish chasquingacunami’ nircami.

ROMANOS 1:28

Paicunallatac Diosmanta yachanata mana munacpimi, manapish caipaccunata ruhuachun paicunapac yuyaipi millai munaicuna junda cachun Taita Diosca saquishca.

ROMANOS 3:11

Alli yuyaita charicpish, pi mana tiyanchu. Diosmanta yachasha nicpish, pi mana tiyanchu.

ROMANOS 3:26

Taita Diosca cunanpish paihuan ima shina alli tucuna cashcata ricuchinmi. Chaimantami Jesusta criccunataca pai cashcata ruhuac cashca shinallatac, paicunatapish paihuan alli tucuchun chasquin.

1 CORINTIOS 1:21

Tucuita yachac Taita Diosca, paicuna yuyashca shina paita ricsichunca mana saquinchu. Quishpirinamanta alli huillai pucllashca shina cacpipish, Taita Diosca maijanpish paita criccunataca pai c'uyashcallamantami cai huillashcahuan quishpichisha nicun.

1 CORINTIOS 15:34

Cancunaca alli yuyaiman tigrarichic, ama juchata ruhuaichicchu. Cancunapuramanta maijancunaca manarac Diosta ricsinguichicchu. Caicunataca cancuna pingaita charichunmi nini.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

2 TESALONICENSES 1:8

Ñucanchic Apunchic Jesusmanta alli huillaita maijanpish mana cazuccunata, shinallatac Diosta mana ricsinata munaccunata llaquichingapacca, nina culun nicuc chaupitami shamunga.

HEBREOS 8:11

Chashna cacpica pipish paipac ricsishcacunaman shinallatac paipac aillucunamanpish ‘Mandac Diostaca ricsiyari’ nishpaca, ña mana ningachu, ashtahuanpish uchillacunamanta pacha callarishpa, jatuncunacamanmi tucui mashna ñucataca ricsic chayangacuna.

1 JUAN 1:9

Shina cashpapish ñucanchic juchacunata Taita Diosman huillacpica, paica imatapish cashcata ruhuac cashcamanta, shinallatac imatapish pactachic cashcamantaca perdonangami, shinallatac tucui mana allicunatapish p'ichangami.

APOCALIPSIS 13:8

Tucui cai pachapi causaccunami chai animaltaca “allimari cangui” ningacuna. Chaicunaca cai pachata Taita Dios ruhuashca punzhamanta pacha huiñaita causangapac quillcachina libropi mana quillcashcachu can. Chai librotaca huañuchishca cac Pactalla Ovejami*f** charicun.

APOCALIPSIS 16:5

Chai q'uipaca yacucunata mandac ángel rimashpaca: —¡Jucha illac Dioslla! Canllatacmi cangui, canllatacmi carcangui. Chashna llaquita cachashpaca, allitami ruhuashcangui.