SAN JUAN 17:24 - Nuevo Testamento en Quichua Cañar 1996

²⁴ Taitalla, cai pacha manarac tiyacpimi, ñucataca c'uyashpa sumacyachishcangui. Chaimantami can cushcacunaca ñuca sumacyachishca cashcata ricuchunca, ñuca maipimi cani chaillapitac paicunapish cachun munani.

Dios Rimashcata Quillcashcami

²⁴ Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

SAN JUAN 17:24 Iomraidhean Croise

SAN MATEO 25:21

Chashna nicpi amoca: ‘Canca allitami ruhuashcangui. Ñucapacta alli yuyaihuan, allita ruhuacmi cangui. Ashallapipish allita ruhuashcamantaca, achcatami canmanca mingasha. Cunanca ñucahuan cushicungapac ucuman yaicui’ nirca.

SAN MATEO 25:23

Chashna nicpi amoca: ‘Canca allitami ruhuashcangui. Ñucapacta alli yuyaihuan, allita ruhuacmi cangui. Ashallapipish allita ruhuashcamantaca, achcatami canmanca cusha. Cunanca ñucahuan cushicungapac ucuman yaicui’ nirca.

SAN MATEO 25:34

Ñuca alli maqui ladoman caccunataca: ‘Ñuca Taita alli nishcacuna, ñucahuan pacta mandangapac shamuichic, japinguichic. Cai mandanataca Diosmi cai pachata ruhuashca punzhamanta pacha, cancunaman cungapac allichishpa charicushca.

SAN MATEO 26:29

Ñucaca ninimi: Dios maipi mandacucpica cancunahuan mushuc vinota ubiangacamanmi, cai uvasmanta vinotaca cutinca manatac ubiasha— nirca.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

SAN LUCAS 23:43

Chashna nicpimi Jesusca: —Cunanllatacmi jahua pacha sumac llactapica ñucahuan cagringui. Chaica chashnatacmi canga— nirca.

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

SAN JUAN 12:26

Maijanpish ñucapacta ruhuasha nishpaca, ñucata c'atichun. Ñuca maipimi cani, chaipimi paipish canga. Shinallatac maijanpish ñucapacta ruhuactaca ñuca Taitapish alli ningami.

SAN JUAN 14:3

Ñuca rishpa cancuna causanata allichishca q'uipaca, ñuca maipimi causani, chaipi cancuna ñucahuan causagrichunmi cutin pushangapac cutimusha.

SAN JUAN 15:9

Ñucaca ñuca Taita ñucata c'uyac shinallatacmi, cancunataca c'uyani. Cancunaca chashna c'uyanacushpa c'atichiclla.

SAN JUAN 17:2

Canca huiñai causaita ñucaman cushcacunaman cuchunmi, tucui gentecunataca ñuca maquipi churashcangui.

SAN JUAN 17:22

Canca ñucata sumacyachishcanguimi. Ñucanchic ima shinami shuc shinalla canchic, chai shinallatac paicunapish shuc shinalla cachunmi paicunatapish ñucaca sumacyachini.

SAN JUAN 17:5

Cunanca ñuca Taitalla, cai pacha manarac tiyacpi, ima shinami cambac ladopi sumacyachishca carcani, shinallatac cunanpish sumacyachiyari.

SAN JUAN 6:37

Ñuca Taita ñucaman cushcacunallami ñucapacmanca shamun. Chai shina shamuccunataca manatac cutichishpa cachashachu.

SAN JUAN 6:39

Ñucata cachac Taitaca tucui ñucaman cushcacunata shucllatapish mana chingachishpa, tucuri punzhapi causachichunmi munan.

SAN JUAN 8:58

Shina nicpi Jesusca: —Manarac taita Abraham tiyacpimi, ñucaca ña tiyarcani. Chaica chashnatacmi can— nirca.

1 CORINTIOS 13:12

Cunanca espejopi amsa amsallata ricucushca shinallami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca ñucaca ima shina cashcatatacca mana yachanichu. Shina cashpapish, ima shinami Taita Dios ñucata ricsin, shinallatacmi shamuc punzhaca ricsisha.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañuta anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa c'aticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa c'aticun.

2 CORINTIOS 4:6

Taita Diosca amsata luz achicyachichun nircami. Paillatacmi luz shina ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 CORINTIOS 5:8

Chaimantami paillapi shunguta churashca canchic. Shina cashpapish cai cuerpomanta anchurishpami, Apunchic Jesushuan causagrinata munanchic.

FILIPENSES 1:23

Huañunapish, causanapish allimi. Shina cacpipish shuc yuyaipica, Cristohuan causagringapac huañushca caiman yuyanimi. Chaimi tucuimanta yalli allica.

1 TESALONICENSES 4:17

Chai q'uipaca, ñucanchic causacuccunaca causarishcacunandicmi Apunchic Jesushuan jahua pachapi tupangapac p'uyupi apashca cashun. Chashna apacpica, Apunchic Jesushuanmi huiñaita causashun.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

1 JUAN 3:2

C'uyashca criccuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

APOCALIPSIS 21:22

Chai pueblopica tucui imatapish ruhuac Mandac Diospish, shinallatac Pactalla Ovejapish Diosman mañana huasi shina cashcamantami, chaipica Diosman mañana huasitaca mana ricurcani.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishaccunamanca ñucahuan mandachun ñuca mandashpa tiyarinapi ñucahuan tiyarichun cusha.