SAN JUAN 16:20 - Nuevo Testamento en Quichua Cañar 1996

²⁰ Cancuna llaquilla cacpipish, huacailla cacpipish, cai pachapaclla causaccunaca cushicungami. Shina cancuna llaquilla cacpipish, llaquica cushiman tigrangami.

Dios Rimashcata Quillcashcami

²⁰ Cancuna llaquilla cacpipish, huacailla cacpipish, cai pachapac causaccunaca cushicungami. Shina cacpipish, cancunapac llaquica cushicuimi tucunga.

SAN JUAN 16:20 Iomraidhean Croise

SAN MATEO 21:38

Ashtahuanpish allpayucpac churi shamucucta chai chagrahuan saquiric runacuna ricushpacarin: ‘Paimi taita charishcataca japinga. Paipac randi ñucanchic japingapacca, huañuchishunchic’ ninacurcacuna.

SAN MATEO 5:4

Llaquilla cashcamanta huacacuccuna, ¡cushicuichic! Taita Diosmi cancunataca cushichinga.

MARCOS 14:72

Pai chashna nicucpica, cutinllatac galloca cantarcallami. Chai horasmi Pedroca Jesús puntaman: “Manarac gallo ishcai cutin cantacpimi, quimsa cutin ‘mana ricsinichu’ ningui” nishcataca yuyarirca. Pedroca chaita yuyarishpami, munai llaquirishpa huacarca.

MARCOS 16:10

Paimi Jesushuan puriccunamanca Jesús ricurishcata huillagrirca. Paicunaca llaquillami huacacurcacuna.

SAN LUCAS 22:45

Ña Taita Diosman mañashca q'uipaca, yachacuccunapacman cutishpaca, paicuna llaquihuan cashcamanta suiñucucpimi tuparirca.

SAN LUCAS 22:62

Chaita yuyarishpami, Pedroca chaimanta canzhaman llucshishpaca, munai huacarca.

SAN LUCAS 23:27

Chashna pushashpa ricucpica, achcacunami c'aticurcacuna. Achca huarmicunapish Jesusta llaquishcamanta caparishpa, huacashpami c'aticurcacuna.

SAN LUCAS 24:17

Paicunahuan Jesús ricushpaca: —¿Imamantatac parlanacushpa ricunguichic?— nishpami tapurca. Chashna tapucpica, paicuna llaquilla shayarishpami,

SAN LUCAS 24:21

Ñucanchicca: ‘Paimi ñucanchic israelcunataca*f** quishpichinga’ nishpami yuyacurcanchic. Chashna yuyacucpipish, paita huañuchishcaca ñami quimsa punzha tucun.

SAN LUCAS 6:21

¡Cunan yarcaihuan caccunaca cushicuichic! Taita Dios cancunamanca mana nicta carangami. ¡Cunan cancuna huacaccunaca cushicuichic! Taita Dios cushichicpica, asinguichicmi.

SAN JUAN 16:33

Tucui caicunataca cancuna ñucahuan shuc shinalla cashcata yachashpa, shungupi yallita cushicuita charichunmi nini. Cai pachapica cancunaca llaquita apanguichicmi. Shina cacpipish, cai pacha mana allicunata ñuca mishashcata yuyarishpa, ama manchashpa cushicuichiclla— nirca.

SAN JUAN 16:6

Ashtahuanpish caicunata nishcamantami, cancunaca munai llaquiricunguichic.

SAN JUAN 20:20

Chashna nishca q'uipami, paipac maquicunatapish, costillas quinraitapish ricuchirca. Chashna ricuchicpica, Apunchic Jesusta ricushpami cushicurcacuna.

HECHOS 5:41

Ña mandaccuna cacharicpi llucshishpaca: “¡Jesús llaquita apashca shinami, paita c'aticushcamanta Taita Diosca ñucanchictapish llaquita apachun saquishca!” nishpami, Jesús acllashca huillaccunaca munai cushicushpa rircacuna.

ROMANOS 5:11

Chaillapish mana canchu, ashtahuanpish Apunchic Jesucristomanta Taita Dioshuan alli tucushcamantami Diosmanta cushicunchic.

2 CORINTIOS 6:10

Llaquilla cashpapish, punzhantami cushicunchic. Huacchacuna shina cashpapish, taucacunatami chayucyachinchic. Imata mana charic shina cashpapish, tucuitami charinchic.

GÁLATAS 5:22

Ashtahuanpish Diospac Espíritu yuyaita cushca causaccunaca c'uyaccunami, cushi causaccunami, sumacta causaccunami, mana utca p'iñariccunami, llaquiccunami, cuccunami, imatapish pactachiccunami,

1 TESALONICENSES 1:6

Cancuna quishpirinamanta alli huillaita chasquishpami, ñucanchic c'atic shinallatac Apunchic Jesustaca c'aticunguichic. Mai llaquihuan cashpapish, Diospac Espíritu cushichicpimi, cushilla canguichic.

SANTIAGO 1:2

Ñuca c'uyashca criccuna, cancunata ima llaquicuna japicpipish, cushicuita cuna cashcatami yuyana canguichic.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi imatapish ruhuaclla cashcahuanca, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

APOCALIPSIS 11:10

Diosmanta huillac chai ishcaicunaca cai pachapi causaccunataca yallitami llaquichishca carca. Chaimantami cai pachapi causaccuna chai ishcai huañushcata ricushpaca, yallitami cushicungacuna. Chashna cushicushpami, caishuc chaishuc imatapish caranacunga.

APOCALIPSIS 18:7

Pai jatun tucushpa munashcata ruhuashpa, cushicushpa causashcamantaca, ¡chai shinallatac llaquichichic! Paica paipac shungupica: ‘Jatun mandac huarmi shinami tiyacuni. Cusa illacpish mana canichu, shinallatac llaquillapish mana canichu’ nishpami niricun.