SAN JUAN 15:5 - Nuevo Testamento en Quichua Cañar 1996

⁵ Ñucaca uvas yura shinami cani. Cancunaca ramacuna shinami canguichic. Maijanpish ñucahuan cacpica, ñucapish paihuanmi cani. Chashna cacpimi, paica allita p'ucunga. Ñucahuan mana cashpaca, imatapish mana ruhuai pudinguichicchu.

Dios Rimashcata Quillcashcami

⁵ Ñucaca uvas yurami cani. Cancunaca ramacunami canguichic. Cancunaca ñucahuan shuc shina cashpaca alli pucuc shinami canguichic. Ñucapish shuc shinami cancunahuan casha. Ñucamanta caruyashpaca imata mana ruhuai pudinguichicchu.

SAN JUAN 15:5 Iomraidhean Croise

SAN MATEO 13:21

Chashna cashpapish mana ucuta sapiyashca shina cashpami, llaquicuna japicpi, mana cashpaca alli huillaita uyashpa c'aticushcamanta gentecuna p'iñacpica saquincunalla.

SAN JUAN 12:24

Shuc trigo muyu allpapi urmashpa, jurayashpa chingarishpaca, achca granotami cun. Ashtahuanpish mana allpapi urmashpaca, paillami tiyacunlla. Chaica chashnatacmi can.

SAN JUAN 15:16

Cancunallatacca ñucataca mana acllarcanguichicchu, ashtahuanpish ñucami cancunataca acllarcani. Cancuna rishpaca, alli granota p'ucuc yura shina causaita ricuchichunpish, chai p'ucushcacuna ama chingarichunpish minganimi. Shina ruhuashpa, cancuna ñuca shutipi imata mañacpica, ñuca Taitaca cungallami.

SAN JUAN 5:19

Chashna p'iñacpi, Jesusca cashna nirca: —Ñucaca Diospac Churi cashpapish, ñuca munaimantaca imata mana ruhuanichu, ashtahuanpish ñuca Taita ruhuacta ricushpallami, imatapish ruhuani. Imatami ñuca Taita ruhuan, chaitami ñucapish ruhuani. Chaica chashnatacmi can.

SAN JUAN 9:33

Chai runa mana Diosmanta shamushca cashpaca, imatapish mana ruhuanmanchu— nirca.

HECHOS 4:12

Cai pachapi causaccunata quishpichichunca, Jesusllatami Taita Diosca cacharca. Chaimanta ñucanchicta quishpichingapacca, pi shuctac Quishpichicca mana tiyanchu— nirca.

ROMANOS 12:5

Chai shinallatac ñucanchicca taucacuna cashpapish, Cristohuan shuc shinalla tucushcamantaca caishuc chaishuc shuc cuerpo shinallami canchic.

ROMANOS 6:22

Ashtahuanpish cancunaca jucha mandashca causacushcamanta Taita Dios cacharichicpica, paita serviccunami tucushcanguichic. Chashna tucushpaca, Taita Diospaclla ch'icanyarishpa causashpa, huiñai causaita chasquishpami allita japircanguichic.

ROMANOS 7:4

C'uyashca criccuna, chai shinallatacmi Cristo huañushcamantaca mandashcacunata ama ruhuangapac Cristohuan pacta huañushca shina canguichic. Cunanca Taita Diospacta allita ruhuangapacmi, huañushcacunapuramanta causaric Jesucristopaclla canguichic.

1 CORINTIOS 10:16

Dios cushca vinota ubiashpaca, Diostami pagui ninchic. Chai vinota ubiashpaca, Cristopac yahuarhuanmi shuc shinalla tucunchic. Tandata micushpapish, Cristopac cuerpohuanmi shuc shinalla tucunchic.

1 CORINTIOS 12:12

Cuerpoca shuclla cashpapish, ch'ican ch'ican partecunatami charin. Chashna cashpapish shuc cuerpollami can. Chashnallatacmi Cristopac cuerpomanta nishpapish shuclla can.

1 CORINTIOS 12:27

Cancunaca Cristopac cuerpo shina cashpami, ch'ican ch'ican partecuna canguichic.

2 CORINTIOS 13:8

Cashcata nic huillashcapac imapish mana allicunataca mana ruhuai pudinichu, ashtahuanpish cashcata nic huillashcapac imapish allillatami ruhuai pudini.

2 CORINTIOS 9:10

Muyutapish tarpuchun cuc, micunatapish carac Taita Diosllatacmi cancunamanca muyuta tarpuc shina, shuccunaman cuchunpish ima illashcataca cunga. Shinallatac cancuna tucui shunguhuan shuccunaman carashcamantaca, muyuta huiñachishpa, alli granota cuc shinami, Taita Diosca allicunata cunga.

GÁLATAS 5:22

Ashtahuanpish Diospac Espíritu yuyaita cushca causaccunaca c'uyaccunami, cushi causaccunami, sumacta causaccunami, mana utca p'iñariccunami, llaquiccunami, cuccunami, imatapish pactachiccunami,

EFESIOS 5:9

Achic luzca alli shungu canata, imapish cashcata ruhuanata, shinallatac mana llullac cana yuyaitami cun.

FILIPENSES 1:11

Cancuna Jesucristollamanta alli grano p'ucuc shina allita ruhuacpimi, Taita Diostaca “allimari cangui, sumacmari cangui” ningacuna.

FILIPENSES 4:13

Ñucaca imatapish ruhuaclla Cristohuan cashpami, imatapish ruhuai pudini.

FILIPENSES 4:17

Cancuna ima cushcata chasquicunallataca mana yuyanichu, ashtahuanpish cancuna carashcamantaca Taita Diospac ñaupapi ashtahuan charichunmi munani.

COLOSENSES 1:10

Diosman mañacunchic. Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli p'ucuc shina, tucui imapipish allita ruhuashpa, Diosmantapish allita yachacunguichic.

COLOSENSES 1:6

Cai alli huillaita huillashcami alli grano p'ucuc shina, tucui llactacunapi mirarishpa c'aticun. Chai shinallatacmi cancunapurapipish Diospac c'uyaimanta parlanacucta uyashpa, Dios mai c'uyac cashcatatac yachashca punzhamanta pacha mirarishpa c'aticun.

SANTIAGO 1:17

Jahua pachapi imalla tiyashcatapish ruhuac Diosmantami, ima allita ruhuana yuyaipish, cashcata ruhuana yuyaipish shamun. Diosca huiñai huiñaicamanmi Paillatac can. Paica mana shuctacyashpa, huiñaitami achicyachicungalla.

1 PEDRO 2:4

Apunchic Jesusman chayarichic, paica causac rumi shinami. Paitami gentecunaca mana valichishpa shitashca. Shina mana valichishca cacpipish, Taita Diosmanca achca valic acllashca rumimi can.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai c'uyac cashcata yachashpa, ashtahuan c'uyanacuichic. ¡Paica cunanpish, huiñai huiñaipacpish sumaimana alli nishca cachun! Chashna cachun.